Најтетовираниот Бразилец ги отстранува тетоважите: „Процесот е многу болен, но сакам да си го променам животот“

Детали

петок, 09 август 2024

Мажот кој важеше за најтетовираниот Бразилец има направено неколку третмани за отстранување на тетоважите кои покриваа 95% од неговото тело. Вели дека вербата во Бог му помогнала да се откаже од пороците (алкохол и дрога) и да си го промени животот на подобро.

Леандро де Суза беше познат како Бразилецот со најмногу тетоважи, но сега е во процес на нивно отстранување.

Досега, Леандро има направено два третмана за ласерско отстранување и разликата е повеќе од очигледна.

35-годишниот Леандро, кој е фотограф, имал 170 тетоважи кои покривале 95% од неговото тело. Сепак, решил да ги отстрани откако станал дел од евангелистичката црква.

„Првата тетоважа ја направив на 13 години.

Првите тетоважи што ги направив беа инспирирани од моите идоли“, вели Леандро за бразилскиот медиум G1.

Во тинејџерските години, негови омилени бендови биле Nirvana, Guns N‘ Roses и Metallica, па ставил неколку тетоважи инспирирани од нив.

А потоа, во текот на изминативе 20-тина години, тетовирал сè и сешто.

Пред 10-тина години, откако се развел од сопругата, за фотографот почнал особено тежок период.

Тажен бидејќи разводот значел и разделба од неговиот 10-годишен син, тој почнал да користи дрога како кокаин и ЛСД, а и пиел многу алкохол.

А, поради тетоважите, привлекувал многу внимание.

„Си го мразев животот. Бев атракција каде и да одев и се чувствував како животно во циркус“.

Животот му тргнал во подобра насока кога дознал за евангелистичката црква.

„Првиот чекор за што било во животот е да прифатите дека некои работи не можете да ги направите сами. Јас требаше да си признаам и дека сум зависник од дрога.

Откако си признав, за една недела сретнав една жена која ме воведе во религијата“.

Леандро вели дека е член на црквата веќе две години, а почнал и самиот да им проповеда на затвореници, но и деца чии родители се во затвор.

Повеќе од една година не користи дрога и алкохол и сега му останува уште да ги отстрани сите тетоважи.

Леандро го очекуваат уште шест ласерски третмани, закажани на секои три месеци.

„Отстранувањето боли повеќе од тетовирањето. Дури и со анестезија, навистина е болно“, вели Леандро, но истакнува дека нема да се откаже.

Повеќе фотографии од Леандро на следната страница...