Бил Клинтон сакал млади девојки – Сите детали за новите документи за педофилот Џефри Епстин

Детали

петок, 05 јануари 2024

На новообјавениот документ во врска со случајот на педофилот Џефри Епстин се најдоа многу познати имиња, вклучувајќи ги Мајкл Џексон, Дејвид Коперфилд и Бил Клинтон. Но, не значи дека сите овие луѓе биле вклучени во одвратните злодела на Епстин. Сите детали за новите документи на сексуалниот злосторник.

Деновиве во сите странски медиуми топ тема се новообјавените документи на финансиерот Џефри Епстин, за кого се верува дека организирал оргии со малолетнички за голем број од неговите пријатели и бизнис соработници.

Случајот стана повторно актуелен, откако во средата (03.01) беше објавен документ од околу 1.000 страници на кој се најдоа имињата на голем број негови соработници.

Дел од нив биле корисници на неговите секс услуги со малолетнички. Важно е да се нагласи дека само затоа што нечие име се наоѓа на објавениот документ, не значи дека ги користел услугите што ги нудел Епстин.

Документите се дел од тужбата што во 2015-та година била поднесена од една од неговите жртви Вирџинија Џуфре, која беше дел од големиот број жени кои го тужеа милијардерот затоа што сексуално ги злоставувал во неговите домови во Флорида, Њујорк, на Девствените Острови и во Ново Мексико.

Во своето детално сведочење, Вирџинија тврди дека кога наполнила 17 години била залажана додека работела како помошничка во клубот на Доналд Трамп „Мар а Лаго“ да почне да работи како масерка, а нејзиното работно место вклучувало и сексуални услуги.

Таа тврдеше дека била под притисок да има секс со британскиот принц Ендрју, а во 2022-ра година таа постигна спогодба за тужбата против неа.

Истата година таа го повлече и обвинението против поранешниот адвокат на Епстин, тврдејќи дека направиле грешка додека го идентификувале како злосторник.

Новообјавените документи содржат изјави на голем број девојки кои го обвинија Епстин, негови вработени кои ги раскажале своите приказни во таблоидите, но и други сведоци.

Продолжува на следната страница...