Сопругата на Лионел Меси го прослави роденденот без него + фудбалерот добива закани по животот во Аргентина (фото)

Детали

сабота, 04 март 2023

Само неколку дена откако сопругата на Лионел Меси го прослави својот 35-ти роденден во семејниот дом во Париз, супермаркетот на нејзините родители беше мета на вооружен напад, каде беше оставена морничава закана по живот до славниот фудбалер.

Сопругата на фудбалерот Лионел Меси, Антонела Рокузо го прослави својот 35-ти роденден со пријателките во нивниот дом во Париз, а забележително е дека на забавата не присуствувал познатиот фудбалер.

На забавата, како што може да се види од фотографиите објавени на Инстаграм, присуствувале сопругата на Сеск Фабрегас, Даниела Семан, партнерката на Серхио Бускетс, Елена Галера и Мариана Балби, снаата на Луис Суарез.

Антоанела доби тематска забава инспирирана од „1001 ноќ“ со голем број балони и декорации во стилот на аладинови ламби, а интересно е тоа што на ниту една од фотографиите не се забележуваат познатите фудбалери.

Меси во тој период имаше фудбалски натпревар, па Антоанела објави фотографии од неа и синовите со роденденската торта, на која напиша: „Ни недостасуваш“...

Тие двајца заедно се појавија на доделувањето на The Best FIFA Awards 2022 во Париз, минатиот викенд, каде тој ја доби наградата за најдобар фудбалер за 2022-ра година.

Од друга страна, аргентинските весници пишуваат дека познатиот аргентински фудбалер се соочува со закани во родната Аргентина, каде беше дочекан како крал по победата на Светското првенство во фудбал, што се одржа во Катар.

Reuters пишува дека продавницата на родителите на Антоанела во Аргентина била нападната од двајца вооружени мажи што од мотоцикл пукале со огнено оружје во локалот и оставиле морничава закана до светски познатиот фудбалер.

„Меси, те чекаме, (Пабло) Јавкин (градоначалникот) исто така е криминалец, тој нема да те спаси“ – стоело во пораката, што е објавена во дел од аргентинските медиуми.

Се верува дека Меси во моментов е на удар на криминалците во Аргентина, кои се обидуваат да изнудат пари од него. Тој во родната Аргентина треба да настапува на 23-ти март каде веќе има закажани фудбалски натпревари.

Б. С. Б. | Црнобело