Вака се сака херој! Србите организираа проекција на кула за Новак Ѓоковиќ по триумфот и го преплавија Твитер со пофалби

Детали

понеделник, 30 јануари 2023

По десетти пат, Новак Ѓоковиќ победи на Australian Open, a Твитер е преплавен со емотивни фотки и видеа од атмосферата во арената. Во Србија, пак, на познатата Белгрaдска кула имаше проекција од тенисерот во чест на победата, а во меѓувреме тој изјави дека не му е воопшто лесно што е далеку од децата и сопругата.

Новак Ѓоковиќ повторно е светски првак откако во неделата, 29-ти јануари, победи на Australian Open.

Тенисерот играше против Гркот Стефанос Циципас, а со победата на синоќешното финале, Ѓоковиќ ја освои десетта титулата на Australian Open.

Истовремено, со оваа победа, сега Ѓоковиќ има вкупно 22 гренд слем титули, со што се изедначи со Рафаел Надал.

Србите не останаа рамнодушни на победата на Ѓоковиќ и покрај славењето, му одадоа огромна почит со проекција на популарната Белградска кула.

На големото здание најпрво беше испишано името на тенисерот, а потоа се појави и фотографија од него.

View this post on Instagram

A post shared by Kula Beograd (@kula_belgrade)

На Твитер, пак, масовно се споделуваат фотки и видеа од атмосферата по натпреварот, а има и бројни честитки од други тенисери.

🇷🇸🇷🇸🇷🇸 #AustralianOpen #Djokovic pic.twitter.com/8brpGRCAfV

— Saša Ozmo (@ozmo_sasa) January 29, 2023

„Еве што му значи победата, откако беше демонизиран. Овде имаме маж со интегритет“.

This is what it means to him ❤️❤️ after being demonised. A man of integrity right here. @DjokerNole pic.twitter.com/Fwrercpmu4

— Matt Le Tissier ✝️ (@mattletiss7) January 29, 2023

„Ѓоковиќ ги чувствува сите емоции по десетата историска победа на Australian Open“.

Djokovic feeling all the emotions after his historic 10th Australia Open win 🥺 pic.twitter.com/1UggVgfg28

— Eurosport (@eurosport) January 29, 2023

„Солзи од среќа. Легендарни моменти на арената Rod Laver“.

Tears of joy 🥹

Iconic moments at Rod Laver Arena.@DjokerNole • #AusOpen • #AO2023 pic.twitter.com/n1gUUjiY51

— #AusOpen (@AustralianOpen) January 29, 2023

„12 месеци откако беше задржан и депортиран од државата каде што постигна најголем успех во кариерата, тешко е да се сфатат емоциите и менталната сила потребна за ова. Еден од најдобрите спортисти на сите времиња“.

12 months after being detained & deported from a country where he has enjoyed the most success in his career, it’s tough to comprehend the emotion & level of mental strength this one took. One of the greatest athletes of all time. 👏 #AusOpen #Djokovicpic.twitter.com/D46PeC4WSZ

— Adriano Del Monte (@adriandelmonte) January 29, 2023

„Неверојатни емоции на Australian Open“.

https://twitter.com/GillianMcKeith/status/1619787845123837952

Сепак, и покрај големото достигнување, Ѓоковиќ истакна дека не му е воопшто лесно што мора да биде настрана од семејството.

Во емотивна изјава, 35-годишниот тенисер сподели дека ментално и физички се чувствува подготвено да продолжи да игра, но вели дека дефинитивно не е лесно што некогаш не ги гледа децата и сопругата.

„Чувствувам дека физички можам да продолжам и да го одржам нивото. Па, зошто да не продолжам да играм? Сега ја имам мотивацијата, ја имам поддршката од саканите, нешто што веројатно е потценето и за коешто не се зборува многу. Но, ова е клучно, особено кога сте татко.

Тоа што сум далеку од децата не е нешто што ме усреќува. Тоа што сопругата е тука за нашите деца и сè останато ми дозволува да продолжам да го правам она што го сакам“.

Тенисерот зборуваше и за неговите следни цели.

„Имам професионални цели и амбиции. Тоа се гренд слемови и да бидам број еден во светот. Тие две веројатно отсекогаш ми биле најголемите цели. Па, сакам уште да испишувам историја со овој спорт, без сомневање“.

Спирова С. | Црнобело