Шок, солзи и еуфорија во исто време: Бразил скршен од болка, Германија во транс од славење (фото)

Детали

среда, 09 јули 2014

Фудбалските фанови добија неверојатно историско доживување на едно светско полуфинале. Најтешкиот пораз што можеше да се доживее му се случи на домаќинот Бразил, од секогаш силната и прецизна Германија.

Забележаа победа за која не ни сонувале и која досега не се случила. Испишаа нова историја со петте голови за неполни 30 минути од почетокот на натпреварот.

Шок, неверување и солзи се лееја на зелено-жолтите трибини во Бело Хоризонте. Целата бразилска нација е ранета како никогаш претходно.

Додека сите веруваа дека Бразил има сигурен влез во финалето, првата опомена дојде со повредата на Нејмар и исклучувањето на капитенот Тијаго Силва уште во претходниот меч.

Сепак, надежта и вербата во најфудбалската нација не им дозволуваше да се посомневаат во успехот, а уште помалку да помислат на пораз од 7-1.

Но, кога се игра со Германија која секогаш е моќна, прецизна, технички пресметана и ослободена од сите психолошки притисоци, може да се очекува сè.

По првиот гол на Милер и брзиот втор гол на Клосе, еуфоријата која настана им даде сила за во рок од 6 минути да постигнат уште дополни 3 голови со што прославата на Германците низ целиот свет се разнесе како лудило.

Додека Бразилците, од најмали до најстари, и мажи и жени и деца, сите беа во шок и со незапирливи солзи.

Надежта за пресврт уште еднаш беше срушена и во второто полувреме со дополнителни 2 гола за 10 минути, а само како извинување до сите фанови, во последните секунди Оскар го постигна единствениот гол за Бразил и конечен резултат од 7:1.

Фотографиите направени во Бразил, Германија, но и низ другите земји каде се навиваше, најдобро ги пренесуваат чувствата и на едните и на другите.

Неверојатно е кога истовремено се случува шок и реки солзи од една страна и еуфоричен транс на славење од друга страна.

Погледнете ги фудбалските фанови:

• 
• 
• 
• 
• 
• 
• 
• 
• 
• 
• 
• 
•