Лажниот Роналдињо на колена пред Меси (видео)

Детали

четврток, 12 јуни 2014

За време на вчерашниот отворен тренинг на репрезентацијата на Аргентина во Бразил присуствувале многу фудбалски фанови. Додека фудбалерите го одржувале редовниот тренинг трчајќи по теренот, обезбедувањето се мачело со публиката.

Повеќето биле дојдени за да ја видат најголемата фудбалска ѕвезда и најскапиот фудбалер на ова првенство, Лионел Меси.

Покрај многуте присутни фанови и новинари, кои сакале да се доближат поблиску до теренот, присутен бил и двојникот на Роналдињо, кој ја искористил својата предност полесно да се протне низ обезбедувањето.

Тој истрчал на теренот и стигнал до Меси за да се поздрави. Лионел се фатил на мамката и зачуден, се насмеал и му рекол дека немало потреба да трча за да се поздрави со него.

Во тој момент Роналдињо (Робинсон Оливеира) клекнал пред него и се поклонил. Тогаш веќе сите сфатиле дека не е вистинскиот фудбалер, па обезбедувањето побрзало да го извади од теренот.

Сепак, тој се радува на средбата и објаснува дека тоа било единствената шанса да дојде толку блиску до Меси.

Но, на прашањето кој му е поомилен фудбалер го одбрал својот идол Роналдињо.

Погледнете како „Роналдињо“ му се поклонува на Меси: