„Мора да ме почитувате“: Ѓоковиќ се налути и ѝ одржа лекција на публиката на Вимблдон + кои ѕвезди се појавија на турнирот?

Детали

вторник, 09 јули 2024

За време на вчерашниот натпревар на Вимблдон, Новак Ѓоковиќ помисли дека публиката го исвирка, па реши да им одржи лекција, бидејќи и покрај спротивните мислења, тенисерот стои на ставот дека му покажале непочитување. Во меѓувреме, бројни познати личности присуствуваа на вчерашниот и на другите натпревари од турнирот.

Од 24-ти јуни до 14-ти јули се одржува тенискиот турнир Вимблдон, а еден од тенисерите кои излегоа на терен е, секако, Новак Ѓоковиќ.

Но, за време на неговиот натпревар во понеделникот (08.07) имаше и мал скандал.

Познатиот тенисер играше против Холгер Руне и победи, но беше навреден бидејќи му се причинило дека публиката го исвиркала.

Наводно, дел од публиката само го извикувала името на противникот – Руне – но Ѓоковиќ помислил дека го свиркаат него.

Па, тенисерот одлучи да се „пресмета“ со публиката.

„До фановите кои имаа почит и останаа овде вечерва – ви благодарам од дното на срцето и го ценам тоа.

А, до сите кои одлучивте да не го почитувате играчот – во овој случај мене – имајте дооооообра ноќ“. 

За појаснување, на англиски (goood night) звучи како тој да ѝ вика „уууу“ на публиката.

Потоа, новинар од BBC му посочи на тенисерот дека публиката го извикувала името на Руне, но Ѓоковиќ стоеше на ставот:

„Ми покажуваа непочитување. Нема да го прифатам тоа. Не, не, не. Знам дека навиваа за Руне, но тоа не е изговор за да ме свиркаат мене…

Играм повеќе од 20 години. Ги знам сите трикови. Се фокусирам на луѓето кои покажуваат почит, го сакат тенисот и ги ценат играчите.

Сум играл во многу полоша средина, верувај ми – не можете ни да ме допрете“.

https://twitter.com/MumbaichaDon/status/1810561873172894194

Подоцна се огласи и противникот на Ѓоковиќ:

„Искрено, ако не знаеш што точно се случува, може да звучи како свиркање, како ’ууу‘. Но, јасно е дека го извикуваа моето име, Руне“.

Вимблдон е најпознатиот тениски турнир во светот, па секоја година, натпреварите ги следат некои од најпознатите луѓе.

Годинава на трибините можеа да се забележат ѕвезди како Дејвид Бекам, Салма Хајек, Никол Шерцингер...

Кои ѕвезди беа на Вимблдон 2024?

• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело