Синчето на Ева Лонгорија излезе на терен со Меси - мама гордо позира со Бекам кој ѝ го овозможи тоа

Детали

понеделник, 24 февруари 2025

Малиот Сантијаго среќно мавта додека излегува заедно со Меси на теренот, облечен во боите на розовите дресови на Inter Miami – мама Ева Лонгорија му го оствари сонот, благодарение на Бекам, со кого се многу блиски.

Викендов започна сезоната во МЛС лигата, а фудбалскиот клуб во ко-сопственост на Дејвид Бекам, Inter Miami, каде Лионел Меси е главна ѕвезда, играше против New York City.

Меси на теренот излезе во препознатливиот розов дрес, држејќи го за рака малиот Сантијаго, синот на Ева Лонгорија кој го има со сопругот Хозе Бастон.

На социјалните мрежи вирално се споделува моментот кога тој среќно мавта со рака додека го држи неговиот омилен фудбалер.

Кликнете за да го погледнете видеото:

Натпреварот го следеше и Ева Лонгорија, која гордо позираше со Дејвид Бекам, кој ѝ е семеен пријател, со оглед на тоа што таа е кума на ќерката на Бекамови, Харпер.

Фудбалскиот клуб привлекува многу познати личности на трибините, а на овој натпревар присуствуваше и Серена Вилијамс, која си доби розов дрес од Дејвид, со нејзиното презиме и бројот 1.

М. М. | Црнобело