Турскиот Џон Вик и уште 11 највирални и емотивни моменти од Олимпијадата во Париз, низ фотки

Детали

вторник, 13 август 2024

Моментот кога Лајлс на трката на 100m за илјадатинка му ја „украде“ победата на Јамајканецот со навалување на телото на целта, емотивниот момент кога девојките на второ и трето место ѝ се поклонуваат на победничката, Пакистанецот кој освои злато иако тренирал во мизерни услови... 

Летните олимписки игри во Париз завршија на 11 август со официјална церемонија за затворање и предавањето на олимпиското знаме на градоначалничката на Лос Анџелес.

Но, освен запишаните успеси и добиени медали, останаа куп спомени и вирални моменти на кои можеме да се потсетиме.

Во продолжение споделуваме дел од најинтересните, инспиративни, смешни и емотивни моменти од Олимпијада 2024, низ фотки:

Турскиот Џон Вик од реалноста стана хит преку ноќ заради стрелањето со лабав став и рака во џеб

Бразилскиот сурфер Габриел Медина ги замени брановите за облаци – неверојатна фотка на која изгледа како тој му се заблагодарува на Бог за својата победа

Емотивен момент кога Симон Бајлс и Џордан Чилс ја слават победата на Бразилката Ребека Андраде и ѝ се поклонуваат

Пакистанецот Аршад Надем инспирираше милиони луѓе во светот откако освои злато (прво олимписко во атлетика во неговата земја) во фрлање копје, иако растел во сиромаштија и тренирал во мизерни услови

Совршена фотка на која Месечината идеално се вклопува во еден од 5-те олимписки кругови поставени на Ајфеловата кула

Снуп Дог го надмина стравот од коњи и заедно со Марта Стјуарт присуствуваше на коњички натпревар

Пред натпреварот тој призна дека има страв од коњи и нагласи: „Сакам да им дадам малку јаболка и моркови, само да се осигурам дека ќе бидат добро најадени пред настанот“.

Продолжува на следната страница...