„Дајте му улога во Џон Вик“ - Хит мемиња од олимпиецот кој без опрема, со рака во џеб освои сребро во стрелање

Детали

четврток, 01 август 2024

Турскиот натпреварувач во стрелање со пиштол на 10 метри освои сребро на Олимписките игри без опремата што ја носат другите стрелци, а додека стрелаше, едната рака му беше во џеб.

Турчинот Јусуф Дикеч (51) на годинешните Олимписки игри освои сребро во стрелање со пиштол на растојание од 10 метри.

Но, она што го прави импресивен не е само медалот, туку и неговата ладнокрвност за време на натпреварот.

Кога стрелаат, натпреварувачите носат специјални очила кои го намалуваат одблесокот од рефлекторите. Истовремено, едното око обично им е покриено за подобро да фокусираат.

Тие носат и заштита на ушите, како слушалки, за да се заштитат од гласниот звук на пиштолот.

Но, за разлика од нив, единствената опрема што ја носеше Јусуф е маичката на која пишува „Турција“ и, секако, неговиот пиштол.

Тој истрела кон метата со едната рака во џеб и освои сребро.

51-годишниот стрелец стана хит на Твитер, откако корисниците почнаа да споделуваат фотка од него.

„Турција испрати 51-годишен маж без специјални очила, заштита на очите или заштита на ушите кој освои сребро“, пишува на една од објавите.

Олимпијците имаат слобода да избираат каква опрема ќе носат додека стрелаат и подоцна се дозна дека Јусуф сепак имал тампони на ушите кои не се гледаат на виралната фотка.

Но сепак, ова не го прави неговиот настап помалку импресивен.

На Твитер веќе се споделуваат шеги за талентираниот Турчин:

„Дали Турција испрати платен убиец на Олимписките игри?“

„Веднаш дајте му улога во John Wick“.

„Изгледа како да решил да се натпреварува на Олимпијада утрово кога се разбудил“.

Некои почнаа да споделуваат и мемиња:

„Господин Јусуф излегол на прошетка, а се вратил со медал“

Јусуф на постерот за играта Red Dead Redemption II

„Сигурно ќе освоеше злато ако му дозволеа да си запали цигара додека стрела“

„Јусуф Дикеч се враќа во Турција“

„Како жените се пакуваат за патување vs. како се пакуваат мажите“

„Google Sheets vs. Excel“

„Како Јусуф тренирал за Олимпијада“

„На моите деца ќе им кажам дека ова се Avengers“

Спирова С. | Црнобело