Ноле се повлекува во 2014?

Детали

четврток, 24 ноември 2011

Новак Ѓоковиќ размислува да ја заврши кариерата за неколку години. Најдобриот тенисер на светот и најголемиот шегобиец на турнирите бил сосема...

...сериозен кога најавил дека наскоро може да се пензионира, под услов да во тој период ги изедначи резултатите со Бјорн Борг.

Швеѓанинот, има освоено 11 гренд слем титули пред да се откаже од тенисот на свои 26 години. Новак има 4 пехари од натпреварите на „големата четворка“ и 24 години.

Причините за ваквото размислување на Новак, кое сигурно ќе ги растажи неговите фанови, не се тешки да се претпостават. Телото сè повеќе ги чувствува последиците од жестокиот ритам на нон стоп играње и напорните тренинзи, повредите често го одвојуваат од теренот, па Ноле е свесен дека нема да може да издржи уште долго во наметнатиот гладијаторски стил.

 „Распоредот е многу напорен на турнирот во Лондон и се соочуваме со многу тешкотии, посебно сега на крајот на годината кога од нас се очекува да бидеме спремни и да играме 100% на секој турнир. Но, ако остварам резултати како што Борг направи своевремено, во наредните неколку години би можел да ја завршам тениската кариера. Сакам да бидам успешен како него. Тоа е секако прашање кое ќе морам да го размислам“ – ја отвори душата Ѓоковиќ.