Селена Гомез одговори на злобните критики: „Се здебелив од лековите и здравјето ми е поважно од изгледот, не сум модел“

Детали

петок, 17 февруари 2023

„Поважно ми е да бидам здрава и да се грижам за себе. Лековите што ги пијам се важни и ми помагаат. Кога ќе престанам со терапијата, ќе настојувам да ослабам“, вели Селена Гомез во ново видео, по бројните злобни коментари за нејзиниот изглед.

Селена Гомез уште еднаш им возврати на критичарите кои се потсмеваат на нејзиниот изглед, истакнувајќи дека има проблеми со здравјето, но и дека не е модел за да изгледа совршено.

Во видео во живо на ТикТок, 30-годишната пејачка одговори на критиките за нејзината тежина и сподели дека пие неколку различни лекови поради кои во нејзиното тело се задржува повеќе вода.

„Кога ќе престанам со терапијата, ќе настојувам да ослабам“.

Исто така, Селена им порача на критичарите да престанат со опсесијата за нејзиниот изглед.

„Искрено, не верувам во критикување на нечие тело или што било. И да, не сум модел. Никогаш нема да бидам. И мислам дека тоа е одлично.

Само сакам да ги охрабрам сите кои чувствуваат каков било срам за она низ коешто минуваат, а никој не ја знае вистинската приказна. Сакам луѓето да знаат дека вие сте убави и вие сте прекрасни.

И да, сите имаме денови кога се чувствуваме ужасно, но многу повеќе сакам да бидам здрава и да се грижам за себе. Моите лекови се важни и верувам дека ми помагаат“.

Претходно, Селена откри дека најмила асистент кој управува со нејзините социјални мрежи поради онлајн булингот што го трпела.

Во ново интервју за Vanity Fair, пејачката сподели дека постојано плачела и имала анксиозност поради злобните коментари, кои зачестиле во периодот кога раскина со Џастин Бибер.

На Селена ѝ било особено тешко и поради тоа што фановите на Џастин ја споредувале со Хејли Бибер.

„Никогаш немав можност да одам во нормално средно училиште. Светот беше мое училиште и почнав да добивам информации што не ги сакав.

Поминав низ тешко раскинување и не сакав да видам никакви коментари – не за врската, туку за мислењата на другите и споредбите со некоја друга личност.

Имаше илјадници навистина добри коментари, но мојот фокус веднаш одеше на злобните“.

„Луѓето можат да ме нарекуваат грда или глупава, а јас да не се грижам. Но некои луѓе се темелни. Пишуваат параграфи кои се многу специфични и злобни.

Постојано плачев. Постојано имав анксиозност. Повеќе не можев да издржам, си го трошев времето“.

Прочитајте и „Размислував за самоубиство, слушав гласови, секое утро плачев од болка“: Селена Гомез отворено за бројните проблеми со здравјето

Поради сето ова, Селена сфатила дека е најдобро да се држи настрана од социјалните мрежи.

„Единствено на телефонот имам ТикТок бидејќи мислам дека е помалку злобен. Има прекрасни работи на социјалните мрежи – се поврзувам со фановите, гледам колку се среќни и возбудени. Но, обично тоа ми е филтрирано.

Создадов систем. Што и да направам, му праќам на асистентот кој објавува. Кога станува збор за коментарите, мојот тим собира неколку кои се охрабрувачки“.

Прочитајте и Опуштено стомаче, несовршено лице – Жената која одбива да се покори на стандардите за убавина: „Се сакам каква што сум“

Спирова С. | Црнобело