Ник Картер од Backstreet Boys не можеше да ги скрие солзите по смртта на брат му: „Зависностите и менталната болест го уништија“ (видео)

Детали

понеделник, 07 ноември 2022

„Јас и брат ми имавме комплициран однос. Секогаш се надевав дека некако, еден ден тој ќе се обиде да почне да води здрав живот и ќе ја побара помошта што му беше потребна“ – Ник Картер од Backstreet Boys не можеше да ги скрие солзите по веста за смртта на брат му Арон.

Ник Картер (42) настапуваше во Лондон со неговиот бенд Backstreet Boys, но не успеа да ги задржи емоциите по вестите за смртта на неговиот помал брат Арон Картер (34), кој во саботата (05.11) беше најден мртов во када во неговиот дом во Калифорнија.

За време на изведбата на песната Show Me The Meaning of Being Lonely, Ник почна да плаче на сцената и не можеше да ја заврши изведбата, додека другите членови од бендот веднаш почнаа да го прегрнуваат и да го тешат.

when artists have to continue a performance despite everything the show must go it makes sense 😔
Nick Carter courage pic.twitter.com/i5ENhdy7rK

— do (@chansi59) November 7, 2022

За време на настапот членовите од бендот му оддадоа почит на Арон кој уште на 9-годишна возраст почна да настапува заедно со нив, а како што рекоа, скршени се од болка затоа што загубиле член на семејството.

Само неколку часа пред настапот, Ник сподели повеќе заеднички фотографии од него и од брат му до кои напиша:

„Срцето ми е скршено. Иако јас и брат ми имавме комплициран однос, мојата љубов за него никогаш не избледе.

Секогаш се надевав дека некако, еден ден тој ќе се обиде да почне да води здрав живот и ќе ја побара помошта што му беше потребна.

Понекогаш сакаме да обвиниме некого или нешто за загубата, но вистината е дека зависностите и менталната болест се вистинските непријатели.

Никој не може да замисли колку ќе ми недостасува брат ми. Те сакам Чиз, сега ќе имаш можност конечно да го најдеш мирот што не можеше да го најдеш на Земјата... Боже, те молам, грижи се за моето братче“ – напиша тој.

View this post on Instagram

A post shared by Nick Carter (@nickcarter)

Инаку, Арон Картер беше најден мртов во када во неговиот дом во Калифорнија. Според првичните информации тој бил најден од страна на куќната помошничка, а се смета дека се удавил во кадата.

Засега не се соопштуваат причините за смртта, како и детали за тоа дали постојат траги на насилна смрт.

Арон во ноември минатата година го доби синот Принц од врската со свршеницата Мелани Мартин.

Прочитајте и Се заколна дека ќе го врати старателството над синот, но не успеа - Братот на Ник Картер од Backstreet Boys пронајден мртов

Б. С. Б. | Црнобело