„Знаев дека ќе умре, се подготвував за тој ден“: Сестрата на Ник Картер од Backstreet Boys за смртта на брат им Арон

Детали

четврток, 27 јуни 2024

Од пет браќа и сестри во семејството Картер, денес се живи само двајца – Ник Картер од Backstreet Boys и сестра му Ејнџел. Таа е всушснот сестра близначка на Арон Картер, а сега вели дека уште во 20-тите години од животот психички се подготвувала за неговата смрт.

Ник Картер од Backstreet Boys има четири браќа и сестри. Но, од петте деца, дури три го изгубија животот.

Сестра му Боби Џин почина во 2023 година, сестра му Лесли почина во 2015-та, додека Арон Картер почина во 2022 година. И, секоја трагедија била поврзана со користење дрога.

Смртта на Арон Картер привлече внимание во јавноста бидејќи младиот пејач и самиот беше познат, а имаше едвај 34 години на денот кога беше пронајден мртов.

Сега, неговата сестра близначка Ејнџел вели дека со години се подготвувала за неговата смрт.

Таа зборуваше и за смртта на сестра ѝ Лесли која почина во 2015-та од предозирање.

„Смртта на Лесли, која почина кога имав 23 години, ме начека целосно неподготвена. Не очекував дека ќе се случи нешто такво.

Откако почина, веќе почнав да одам на психијатар и да се подготвувам за смртта на Арон. Мислев дека ќе умре. Целите 20-ти години од мојот живот се плашев од тоа.

Знаев дека тој ден ќе дојде, но знам дека и тој беше свесен за истото“.

Ејнџел вели дека со години се обидувала да му помогне да се справи со зависноста, но тој секогаш ја оттурнувал од себе.

Таа се присетува и на ситуација од 2019 година, кога младиот пејач имал епизода на психоза, откако бил дијагностициран со шизофренија и биполарно нарушување.

Имено, Арон ѝ кажал дека „сака да убива деца“ и дека почнал да собира оружје.

Ејнџел веднаш му кажала на брат им Ник, по што на Арон присилно му било одземено оружјето.

„Морав да го заштитам од самиот себе“.

Таа вели и дека брат ѝ бил искористуван од музичката индустрија уште од 9-годишна возраст, и всушност тоа водело до неговата пропаст.

„Не можев да го спасам. Знаев дека не беше моја должност да го спасам, но навистина пробував“.

Ејнџел додава дека Арон во голема мера го издржувал целото семејство, но самиот мислел дека неговата слава била главната причина за семејните проблеми, вклучувајќи го и разводот на неговите родители.

„Беше убеден дека неговиот успех го уништи семејството“.

Арон почнал да користи марихуана на само 12-годишна возраст, но подоцна се префрлил и на потешки дроги, и тоа по разводот на родителите.

„Експериментираше со екстази и што уште не… Многу доцна открив дека продолжил да користи дрога и во неговите 20-ти години“.

Пред смртта во 2022 година, Арон многупати одеше на рехабилитација, но безуспешно.

Беше пронајден мртов во када откако се лизнал и паднал.

Неговата смрт беше опишана како несреќен случај, но се покажа дека бил под дејство на неколку разни супстанци.

Спирова С. | Црнобело