Раскошна прослава со балони и мачиња за 4-тиот роденден на ќерката на Клои Кардашијан – Тристан Томпсон не беше поканет (фото)

Детали

понеделник, 11 април 2022

Кардашијанс не штедат кога станува збор за роденденски забави, па Клои навистина се потрудила за прославата на ќерка ѝ Тру – многу балони во пастелни нијанси, трамбулина, замок за скокање и многу десерти се само дел од изненадувањата за 4-тиот роденден на нејзината ќерка.

На 12-ти април ќерката на Клои Кардашијан и Тристан Томпсон, Тру, ќе го прослави четвртиот роденден. Клои подранила со прославата, па малото девојче имаше раскошна роденденска прослава овој викенд.

Како и сите прослави на Кардашијанс, и роденденот на малата Тру беше раскошен, но сепав во духот на детската забава, а Кортни воопшто не штедела.

Кортни сподели неколку фотки и видеа од забавата на Инстаграм Стори, а малата Тру навистина уживала во нејзиниот посебен ден.

Најпрво Кортни откри дека нејзиниот брат, Роб Кардашијан, ѝ купил на Тру M&M’s бонбончиња со нејзиниот лик.

Потоа ријалити ѕвездата покажа како го украсила дворот за забавата – од многу балони, па сè до огромен розов надуван замок за скокање. За сите декорации Клои одбрала пастелни нијанси.

Слаткото девојче, пак, изгледа прекрасно со белото фустанче и белите патики. Косата ѝ беше собрана во плетенки со розови прамени.

На забавата имало и мали мачиња, како и полица со разни десерти и бонбони со пастелни бои.

Клои ја покажа и роденденската торта на три ката со мачиња и виножита.

За најмалите гости на Тру, Клои поставила и вид базен полн со играчки.

Клои сподели и сладок момент кога Тру отвора роденденска честитка од нејзина пријателка. Пријателката, пак, едвај чека да ја види нејзината реакција и ја бакнува.

За дечињата Клои организирала и разни активности како цртање на лице, скокање на трамбулина и дружење со маскота во форма на кадифено маче.

Клои не сподели фотографија од неа, но кратко се појавува во едно од видеата на Инстаграм Стори. 37-годишната ријалити ѕвезда е во топ-форма и изгледа одлично со розовите панталони и маичка.

Таткото на Тру, Тристан Томпсон, не се појавува на ниту една објава, па веројатно не ни бил поканет.

Односот на бившите партнери е заладен, но тие сепак се во контакт поради нивната ќерка. Причината за нивниот раздор се бројните неверства на Тристан.

Откако Клои му даде неколку шанси, Тристан не само што продолжи да ја изневерува, туку сега има и дете од друга жена.

Покрај тоа, ноќта кога Клои го роди нивното дете, Тристан бил со друга жена.

Спирова С. | Црнобело