„Изгледа уште имаш проблем со пиењето“ – Бен Афлек ги разлути твитерџиите, но и Џеј Ло со еден потег

Детали

четврток, 16 декември 2021

Бен Афлек ја понижи поранешната сопруга Џенифер Гарнер обвинувајќи ја за неговите проблеми со алкохолизмот, а според некои извори, Џеј Ло била гневна поради неговите изјави.

Додека гостуваше во шоуто на Хауард Стерн, Бен Афлек прозборе за борбата со алкохолизмот и бракот со Џенифер Гарнер, а од целото интервју најмногу внимание привлекоа неговите изјави за бившата сопруга.

Актерот изјави дека ако останел во брак со Гарнер, веројатно уште би пиел, како и дека тие се обидувале да ја спасат врската само поради нивните деца.

Многумина ги оценија изјавите на Афлек како непристојни и навредливи за Гарнер, а се чини дека и неговата сегашна девојка, Џенифер Лопез, го дели истото мислење.

Прочитајте повеќе: Бен Афлек за бившата, заради која раскина со Џеј Ло: „Ќе продолжев да пијам ако останев во брак со Џенифер Гарнер“

Актерот беше остро критикуван за понижувањето на поранешната сопруга:

„Кога не можеш да прифатиш дека главниот виновник за проблемот со пиењето си ти, тогаш уште имаш проблем со пиењето. Џенифер Гарнер не го носеше Бен Афлек да пие, но го однесе на рехабилитација и со тоа веројатно му го спаси животот“, вели твитерџија кој истакнува дека Гарнер навистина го однесе Афлек на рехабилитација.

„Тврдењата на Бен Афлек дека Џенифер Гарнер е одговорна за неговите проблеми со алкохолот ми кажуваат сè што треба да знам за него. Џеј Ло, навистина си фатила добро момче“, гласи еден до многуте коментари.

Според извор на Page Six, и Џеј Ло не е воодушевена од изјавите на актерот.

„Џенифер е гневна. Сега и таа е вмешана во сето ова бидејќи е во врска со него. А, не сака да биде вмешана во оваа ситуација“.

Наводно, Џеј Ло се обидува да се зближи со децата на Афлек од бракот со Гарнер и има добро мислење за актерката.

„Таа се има запознато со Џенифер Гарнер. Се обидува подобро да ја запознае и неа и нивните деца. Изјавите на Бен беа несовесни“, тврди изворот.

Доказ дека Џеј Ло сака да биде во добар однос со бившата на Бен Афлек е фактот дека сите тројца, заедно со нивните деца, поминаа дел од Ноќта на вештерките заедно.

Сепак, друг извор вели дека Џеј Ло не е навредена, туку само загрижена за децата. А, според најновите папарацо фотки на парот, изгледа Џеј Ло не му замерила многу на Бен.

Кратко по интервјуто со Хауард Стерн, Џеј Ло и Бен беа забележани во Холивуд, а и двајцата изгледаа како да се одлично расположени. Како и обично, тие се држеа за рака, а Џеј Ло речиси постојано имаше насмевка на лицето.

Бен Афлек и Џенифер Лопез беа верени пред речиси две децении, а кога се разделија, актерот веднаш ја почна врската со Џенифер Гарнер. Тие беа во брак од 2005 до 2018 година, а во новото интервју актерот откри дека среде разводот размислувал дали воопшто сака да се смири со Џеј Ло.

Џеј Ло и Бен ја почнаа врската во април годинава, но актерот дефинитивно мислел на неа многу порано.

Една од бившите на Афлек, Кејти Чери, со која се гледаше во 2019 година, тврди дека актерот пред неа коментирал дека задникот на Џеј Ло бил феноменален.

Веројатно тврдењата се точни, бидејќи Афлек неколкупати ја има фалено Џеј Ло за изгледот во јавност пред да се смират.

Прочитајте повеќе: Се вљубил во Џенифер Гарнер додека бил со Џеј Ло: Детали како Бен Афлек раскина со Џеј Ло и се ожени со Гарнер

Спирова С. | Црнобело