„Проколнати“ прстени, милионски суми – сите веренички прстени на сестрите Кардашијан
- Детали
- сабота, 23 октомври 2021
Кортни Кардашиан (42) е последна од сестрите Кардашијан што ја има таа чест да носи веренички прстен.
На фотографиите што беа објавени на социјалните мрежи, имавме можност да видиме како изгледа вереничкиот прстен што таа го доби од своето момче.
Во продолжение да се потсетиме на вереничките прстени што во текот на годините ги добија сестрите Кардашијан од своите вереници.
Проколнатите прстени на Ким
Ким Кардашијан во 2011-та година стапи во брак со НБА кошаркарот Крис Хамфрис, а оваа заедница траеше само 72 дена и е еден од најкратките бракови на познатите.
Сепак, пред да стапат во брак, Ким доби 16-каратен дијамантски прстен, што чинел околу 2 милиони долари.
По разводот, Ким му го врати прстенот на Хамфрис, а истиот беше продаден на аукција за цена од 500 илјади долари.
Канје Вест ѝ предложи брак на Ким во 2013-та година, три месеци откако заедно ја добија ќеркичката Норт. Ким доби дијамантски прстен од 15 карати.
Но, во 2016-та година Ким беше ограбена во Париз, а вереничкиот прстен ѝ беше украден заедно со другиот накит што го носела на себеси.
Се проценува дека прстенот беше вреден околу 4,5 милиони долари.
Клои доби веренички прстен од Ламар Одом
Клои Кардашијан по само еден месец забавување, во 2009-та година доби дијамантски прстен од Ламар Одом, што се проценуваше дека вреди 850.000 долари.
Клои поднесе документи за развод во 2013-та година, но официјално се разведоа во 2016-та година.
Вереничкиот прстен на Кортни
Се проценува дека вереничкиот прстен што Кортни Кардашијан го доби од Тревис Баркер чини над 1 милион долари. Станува збор за прстен со 12-каратен дијамант.
Инаку Кортни никогаш не била во брак претходно, иако има три деца со Скот Дисик.
За потсетување, таа беше во врска со нејзиниот поранешен партнер Скот Дисик од 2006-та година и со него има три деца, но никогаш не прифати да се омажи за него.
Од друга страна, по само една година забавување веднаш го прифати предлогот за брак од нејзиното ново момче Травис Баркер.
Прочитајте и Со Кортни Кардашијан направи „порно“ фотка, имал 27 операции: Факти за Тревис Баркер, новиот дечко на Кортни
Сега, речиси 10 години подоцна очигледно Кортни ги победила стравовите и одлучи да стапи во брак со Тревис Баркер.
Б. С. Б. | Црнобело
Би можело да ве интересира:
Препорачуваме
Најчитани неделава
