Кралицата го слави најтажниот 95-ти роденден, но принцот Хари не остана, се врати кај бремената Меган Маркл

Детали

среда, 21 април 2021

И овојпат принцот Хари на прво место ја стави својата сопруга и синчето. Тој си отиде од Велика Британија само еден ден пред роденденот на неговата баба.

Кралицата Елизабета денес (21.04) го слави својот 95-ти роденден, но ова е најтажниот роденден за неа.

Поради неодамнешната загуба на сопругот, принцот Филип кој почина на 9-ти април, нема да има јавна прослава затоа што членовите на кралското семејство тагуваат по него.

Елизабета ќе го мине денот во замокот Виндзор.

Членовите на кралското семејство периодов ротираат со посети кај кралицата за таа да не биде сама, откако ја изгуби својата втора половина по 73 години брак.

Инаку, принцот Хари не остана на роденденот на неговата баба, туку се врати во САД кај бремената Меган Маркл и нивното синче Арчи, само ден претходно.

Според извори блиски до кралското семејство, тој се двоумел дали да остане за нејзиниот роденден, но бил нетрпелив да ја види бремената сопруга.

Погребот на принцот Филип беше причината за посета на Велика Британија од страна на Хари, по една година, но и значеше прва средба со кралското семејство, по интервјуто со Опра каде тој и Меган ги нападнаа со изјави кралските членови.

Сепак, кралицата го поштеди од срам и не дозволи никој да носи воени униформи на погребот, како што е традиција, за Хари и принцор Ендру да не се издвојуваат.

Прочитајте и „Баба си е баба“ - како кралицата го спаси Хари од непријатност на погребот на дедо му?

С. С. | Црнобело