„Сега би кажал: Ви реков!“ – Дали Мајкл Џексон ја предвидувал пандемијата?

Детали

понеделник, 30 март 2020

Сте забележале ли дека Мајкл Џексон многу често се појавуваше во јавноста со маска на лицето? Изгледа имал добра причина за тоа.

Мет Фидс му беше телохранител на Мајкл речиси цела деценија и тврди дека Кралот на поп музиката ја сфатил потенцијалната опасност од ширењето на микробите и вирусите.

Имено, Мајкл предвидел дека светот го очекува катастрофална пандемија со вирус или некоја друга заразна болест. Секако, не е дека буквално предвидел корона вирус, но знаел дека нешто слично има можност да се случи.

„Знаеше дека природната катастрофа е секогаш овде. Беше многу свесен и секогаш веруваше дека некој микроб може да се разнесе во секој момент“, вели Мет.

Според Мет, на пејачот му се случувало да посети и по четири држави во еден ден и да се сретне со стотици луѓе. Ова, во комбинација со стравот од потенцијална опасност од некој вирус или некоја болест, го натерало Мајкл многу често да носи заштитна маска.

„На шега му велев да не ја носи маската бидејќи ме срами“, изјави телохранителот на пејачот.

Мајкл, пак, му одговарал:

„Мет, не можам да се разболам, не можам да ги разочарам фановите. Имам концерти. Овде сум со причина. Не смеам да си го оштетам гласот, морам да останам здрав, не знам кого ќе сретнам денес, не знам што можам да пренесам.“

Интересно е што пејачот не бил „гермофоб“, туку едноставно бил свесен за потенцијалната опасност и ги преземал сите мерки за да се заштити.

Според Мет, кога пејачот зборувал за оваа тема, неретко го нарекувале луд.

„Знам што точно би им рекол Мајкл на луѓето денес: Ви кажав“, вели Мет.

Телохранителот има само добри зборови за пејачот и вели дека тој бил една од најинтелигентните личности што ги познавал.

„Не можете да станете светска суперѕвезда ако не сте интелигентни“, вели Мет за неговиот поранешен шеф.

Спирова С. | Црнобело