Торба со сол, каубојски чизми - Најчудните подароци кои ги добила кралицата Елизабета

Детали

понеделник, 17 јуни 2019

Меѓу британските кралеви, не само што Кралицата Елизабета владеела најдолго, туку најверојатно добивала и најмногу подароци. Таа самата за секој од подароците пишува благодарници. 

Ова се некои од најнеобичните подароци што ги добила британската кралица Елизабета:

Вински фрижидер кој се трансформира во маса

Во 1972 година, претседателот Жорж Помпиду од Франција, на кралицата ѝ подарил невообичаени подарок: челичен вински фрижидер во форма на скакулец што  може да се трансформира во маса за пијалаци, кога неговите крилја се ротираат.

Златен сет од Персискиот залив

За време на 18-дневната посета на Персискиот залив, во 1979 година, кралицата и принцот Филип добиле многу подароци, вредни милиони долари, од арапските домаќини.

Меѓу нив е и бисер во облик на круша во природна школка, златен сад со златен аметист, златен сад за кафе во форма на сокол, чии канџи се направени од аметист, и три златни мечови украсени со скапоцени камења.

Торба сол

Во 2015 година, гувернерот на британските Девствени Острови, на кралицата ѝ подарил торба полна со сол.

Овој подарок претставувал симболично враќање на традицијата, бидејќи порано на кралевите им се давала вреќа со сол, како данок.

Слика со коњ во различни бои

Во 2015 година, претседателот на Германија, Јоаким Гаук, на кралицата ѝ подарил акрилна слика на која е насликана кралицата, како млада девојка, како седи на коњ.

Во оваа импресионистичка слика коњот има сина боја, со акценти на жолта, розова и зелена боја.

Голем број на животни

Во текот на годините, на кралицата Елизабета ѝ биле подарени многу животни, вклучувајќи слонови, крокодили и други, прилично чудни егзотични животни.

Покрај тоа, нејзиното Височество добило неколку млади црвени елени и коњ по име Сер Џон, од канадската кралска полиција.

Чизми

Кралицата Елизабета е жена која сака коњи, но дали сака да носи каубојски чизми? Во 1991 година, во посета на САД, Нејзиното Височество добило пар автентични каубојски чизми.

Дали некогаш ги носела? Не знаеме.

Ашера | Црнобело