Опра повторно најмоќна

Детали

четврток, 12 јуни 2008

Опра Винфри е најмоќна славна светска личност во 2008 година и тоа втора година по ред,

а пет пати воопшто, според списанието Форбс.

Годишната листа вклучува и два пара меѓу првите десет. Тоа се актерката Анџелина Џоли на трето место и нејзиниот партнер Бред Пит кој е на десето место, додека Бијонси Новлс и Џеј-Зи се четвти и седми.

Голферот Тајгер Вудс останува втор, додека фудбалерот Дејвид Бекам е петти, а пак актерот Џони Деп шести. Музичката група Полис го освои осмото место, додека авторот на книгата Хари Потер, Џ.К. Ровлинг е на девето место.

Не е изненадување што Опра Винфри и Тајгер Вудс останаа на врвот и оваа година, тие секако најдобро заработуваат.

Изминатата година Винфри заработи $275 милиони, Вудс $115 милиони, Бијонси $80 милиони, Бекам $50 милиони, Деп $72 милиони, Џеј-Зи $82 милиони и Полис $115 милиони.

Во 2008 помеѓу топ 100 се 20 актери, 20 спортисти, 10 музичари, 10 водители на шоу, 10 ТВ актери, пет славни двојки, пет директори/продуценти, пет славни личности, четири автори, пет хип-хоп артисти, четири готвачи и три модели.