„Отсекогаш знаев дека сакам да сум жена“: Која е Карла Софија Гаскон, првата трансродова актерка номинирана за Оскар?

Поради работата, со сопругата живееле во Мексико, а Карла вели дека се чувствувала сè позаробено во своето машко тело.

Го влошила односот со сопругата, а почнала и афера со друга жена на која ѝ кажала дека не сака да го промени полот. Љубовницата прво ја охрабрила да ја почне транзицијата и ѝ понудила помош, но потоа ја оставила.

„Ми рече дека ќе биде со мене засекогаш, но ме излажа“.

Таа ја почнала транзицијата, но менталното здравје почнало да ѝ се влошува до тој степен, што почнала размислувала за самоубиство.

И, овој период од животот почнала да пишува – сакала да ги запише сите свои мисли и чувства пред да посегне по животот.

Но, текстот постепено се претворил во книга, односно мемоари кои ги издаде во 2018 година.

Книгата ја издала под машкото име – Карлос Гаскон – иако дотогаш веќе ја имала почнато транзицијата.

Со книгата, вели, на некој начин го најавила својот нов идентитет – Карла Софија Гаскон.

Сопругата ѝ простила, но Карла се шегува дека не ѝ било сеедно кога ја видела како жена.

„Отсекогаш знаеше која сум. Но, се претвори во камен кога ме виде како жена“.

Карла добила поддршка и од другите членови од семејството.

По транзицијата, почнала да добива женски улоги, за во 2022-ра да ѝ биде понудена главната улога во филмот Emilia Pérez.

Спирова С. | Црнобело