Како Тејлор Свифт избегнува повреди за време на „нуркањето“ со скок под бина, на спектакуларните концерти? (видео)

Детали

четврток, 05 декември 2024

Публиката е воодушевена од перформансот кога Тејлор скока во дупка под бината и се прикажува визуелен ефект како да плива под вода до другата страна на сцената - како го изведува овој потег и како останува безбедна, без повреди при скокот, погледнете во видео кое го открива секој детаљ. 

Тејлор Свифт е една од најголемите поп ѕвезди, а посебно е обожавана помеѓу помладата публика, иако има фанови од најразлични возрасти.

На светската турнеја „Eras Tour“ таа досега приреди спектакуларни концерти со неверојатни сценски настапи, кореографија и специјални ефекти.

Но, еден момент е посебно впечатлив и ги остава сите присутни со подзинати усти, а тоа е кога одеднаш таа „нурнува“ со скок под бината, а целата сцена се претвора во вода низ која се гледа силуета која плива под водата.

Па логично, многумина си го поставуваат прашањето - како го изведува таа овој перформанс и притоа останува безбедна и без повреди при скокот во дупката?

На социјалните мрежи е објавена видео снимено одозгора, на која детално се гледа како изгледа нејзиниот скок, но и добрата организација на тимот.

Всушност, додека персоналот го подготвува „теренот“, одоздола свети црвено светло кое само Тејлор го гледа, а кога ќе светне зелено, значи дека сцената е подготвена и таа скока во дупката.

Кога ќе скокне, „слетува“ на мека перница со пена, која овозможува безбеден пад, без ризик за повреди.

Потоа таа со помош на посебен лифт-систем за движење, брзо преминува до другата страна на сцената, додека пак, на бината визуелно се прикажуваат претходно снимени специјални ефекти, кои создаваат илузија дека таа плива под вода.

Во меѓувреме, пејачката е во бекстејџ, се пресоблекува и се подготвува за повторно појавување на спротивната страна на сцената, проследено со масивен специјален ефект на бран.

Погледнете го видеото кое открива како изгледа овој перформанс одблизу: 

@qitu174

HOW DOES TAYOR SWIFTA VOIDINJURIES DURING HERSIAGE#fyp #usa #celebrity #foryou #talyorswift

♬ Camouflage Day Meditation - Erica Mason

М. М. | Црнобело