„Изгледаш страшно“ – Тори Спелинг ги загрижи фановите, откако се појави заедно со колегите од „Beverly Hills 90210“

Детали

вторник, 22 октомври 2024

„Добра си?“ – ја прашуваат следбениците Тори Спелинг по фотките објавени на Инстаграм каде е заедно со колегите од серијата Beverly Hills 90210.

Тори Спелинг имаше мини средба со колегите од серијата во која се прослави, за време на конвенција за обожаватели, насловена The Hollywood Show.

Актерката (51) на шоуто се појави заедно со колегите Брајан Остин Грин (51) и Иан Зеринг (60) и сподели нивна заедничка фотографија на социјалните мрежи.

Прочитајте и Мозочен удар, финансиски проблеми: Трагедиите што ги следат актерите од Beverly Hills

Таа за оваа пригода избра краток црн топ, фармерки и патики, кои требаше да ја нагласат нејзината младешка и извајана фигура, но многумина се сложуваат дека актерката изгледа премногу слабо.

Додека некои веруваат дека актерката премногу ја обработила фотографијата што сама ја објави на социјалните мрежи, па затоа изгледа така, на фотките објавени од обожавателите се гледа дека Тори изгледа премногу исцрпено.

На една од фотките, направени одблиску, се гледа дека лицето на Тори делува испиено и уморно, иако се обидела да ги прикрие несовршеностите со шминка.

Целокупно, Тори не изгледа здраво и е премногу слаба, па заради тоа голем број од нејзините следбеници ја прашуваат дали е добра и зошто е толку слаба.

Инаку, познато е дека Тори имаше доста тежок период кога по разводот со сопругот мораше да живее во камп возило, па и сама призна дека нејзините пет деца биле жртви на булинг и потсмев, а потоа беше наводно избркана и од куќата што ја изнајмуваше.

Таа е меѓу славните личности што отворено признава дека го користела лекот за дијабетес Ozempic за да ослаби по последното породување, но најновите фотки не предизвикаа воодушевување кај фановите туку загриженост.

„Преслаба си!“ – коментираат дел од нив.

Прочитајте и Татко ѝ милионер ја оставил со „само“ 800.000 долари, живееше во камп-приколка: Факти за Тори Спелинг

Погледнете уште неколку фотки од Тори, од Брајан и од Иан во продолжение:

Б. С. Б. | Црнобело