Зошто Мет Дејмон го молел Бен Афлек да не се венча со Џеј Ло?

Детали

сабота, 14 септември 2024

„Мет Дејмон гледаше како Бен се откажува од своите соништа и амбиции само за да го нахрани огромното его на Џеј Ло“.

Пријателството на Мет Дејмон и Бен Афлек трае со децении и сите знаат дека се најдобри пријатели.

Па, не е ни чудно што фотките на кои Џеј Ло цврсто ја држи раката на Мет Дејмон станаа вирални.

Фотките се направени на премиерата на новиот (и веројатно последен) филм на кој соработуваа Џеј Ло и Бен Афлек, насловен Unstoppable.

Афлек, кој е продуцент на филмот, не присуствуваше на премиерата за да ја избегне Џеј Ло, која, пак, имаше една од главните улоги.

По поднесувањето на барањето за развод, ПР тимот на Џеј Ло изјави дека Бен бил себичен и „без влакна на јазикот“ поради што кажувал навредливи работи.

Неговиот тим, од друга страна, ја опиша Џеј Ло како опседната со слава.

А, од фотките од премиерата, како да стана јасно дека сега Мет Дејмон е „заглавен“ меѓу нив.

Што знаеме за комплицираниот однос на Џеј Ло и Мет Дејмон и што мисли актерот за пејачката?

Мет Дејмон неколкупати ја има пофалено Џеј Ло во јавност откако таа ја почна врската со Бен.

Сепак, според изворите, Мет го советувал Бен да не се опседнува со Џеј Ло и да не го запоставува професионалниот напредок.

„Откако ја почнаа врската со Џеј Ло, Мет пробуваше да го убеди Бен дека може да се случи ова што се случува сега.

Мет беше овде за Бен првиот пат кога раскинаа и како да знаеше дека постои можност пак да се разделат“.

Наводно, Бен ги слушал љубовните совети од другар му бидејќи Мет е во среќен брак со сопругата веќе 18 години.

„Бен отсекогаш бил восхитен од бракот на Мет.

Кога врската на Бен почна да се распаѓа, Мет му рече дека ќе го поддржува, но дека сака да му помогне да се фокусира на кариерата.

Бен премногу се фокусираше на проектите на Џеј Ло, исто како пред 20 години. Па, Мет му рече: ’Што направила таа за твојата кариера?‘“

На Мет не му се допаѓало што Бен ги запоставил своите проекти.

„Мет гледаше како Бен ги трга настрана неговите соништа и амбиции за да го нахрани огромното его на Џеј Ло.

Мет сака Бен да сфати дека сега, кога Џеј Ло ја нема, тој ќе биде посреќен и попродуктивен“.

Во јавност, Мет неколкупати рече дека ги сака и Бен и Џеј Ло и дека е пресреќен што се заедно.

Но, приватно, го молел Бен да не брза со одлуката за брак.

Мет му бил најголемата потпора на Бен додека се бореше со алкохолизмот, а наводно бил исплашен дека повторно ќе му се врати на порокот.

„Мет е единствениот вистински пријател на Бен. Не сака да дозволи да му се врати на алкохолот и постојано внимава на него поради ова“.

Друг извор вели дека актерот добива голема поддршка и од семејството.

„Мет пробува да го спречи да ѝ се врати на навиката за пиење.

Мет сака неговите најблиски да го потсетат дека е сакан, дека има поддршка и дека му е подобро без Џенифер.

Сите се грижат за Бен, вклучувајќи ја и Џенифер Гарнер и нивите деца. Постојано му наоѓаат занимација за да не помисли да пие“.

За потсетување, Џеј Ло и Бен Афлек првпат се свршија во 2002 година, но раскинаа во 2004-та, без да се венчаат.

Ја обновија врската две децении подоцна, а актерот ја запроси во 2022 година.

Се венчаа истата година, но во 2024-та, на денот на годишнината, Џеј Ло поднесе барање за развод.

Спирова С. | Црнобело