Џеј Ло како кралица на раскошната забава за 55-тиот роденден, инспирирана од Bridgerton – Од Бен ни трага ни глас (фото) 

Детали

четврток, 25 јули 2024

Џеј Ло го прослави 55-тиот роденден со забава инспирирана од серијата Bridgerton. Во духот на темата, пејачката пристигна со кочија, а на забавата свиреше оркестар. На забавата присуствуваа децата и мајката на Џеј Ло и бројни пријатели, но Бен го немаше никаде.

Вчера (24.07) Џенифер Лопез наполни 55 години, а за роденденот организира прослава инспирирана од хит-серијата Bridgerton.

Пејачката изгледаше како кралица во раскошниот фустан со корсет и широко здолниште. Косата ѝ беше собрана, а целиот изглед беше дополнет со проѕирни ракавици и минималистички накит.

Верна на темата на забавата, Џеј Ло пристигна со кочија, а гостите ги забавуваше оркестар со виолини.

На подиумот за танцување, пак, неколку танчари изведоа и танц препознатлив за ерата во којашто е сместена серијата Bridgerton.

Потоа, Џеј Ло го промени аутфитот – раскошната тоалета ја замени со елегантен светлозелен фустан со впечатлив украс на градите.

Очекувано, пејачката имаше и свој настап, а дуваше свеќички од бела торта на неколку ката.

На забавата беа присутни децата на Џеј Ло, мајка ѝ и бројни пријатели и членови на семејството.

Но, од Бен немаше ни трага ни глас.

Повеќе фотки од забавата на Џеј Ло во продолжение:

Продолжува на следната страница...