Кендал Џенер критикувана бидејќи шета боса низ Лувр на полноќ: „Каде ти е почитта?“
- Детали
- петок, 28 јуни 2024
Кендал Џенер објави фотки со кои се пофали дека го посетила Лувр на полноќ, но она што ја разгневи јавноста е тоа што шетала низ музејот боса, со тоа покажувајќи непочитување кон установата и важните експонати кои се наоѓаат внатре.
Кардашијанс редовно се критикувани дека немаат допир со реалноста.
На пример, пред некоја година, Ким Кардашијан го посети Ватикан со фустан кој е далеку од пристоен за престолнината на католиците.
Последна на удар се најде Кендал Џенер поради објава на Инстаграм - 28-годишниот модел сподели неколку фотки од музејот Лувр во Париз.
На дел од фотките се гледаат експонати од музејот, но на две се гледа дека Кендал е боса.
Во описот, таа открива дека го посетила музејот навечер:
„Лувр на полноќ“.
Во коментари, некои следбеници споделуваат комплименти и велат дека ѝ завидуваат на Кендал на можноста да го посети музејот навечер, но други ја критикуваат дека не покажува почит кон установата.
„Боса во Лувр? Мислам дека е погрешно“.
„Те молам облечи чевли“.
„Добро, сфативме. Толку си богата што можеш да ги натераш да го отворат Лувр за тебе навечер за да шеташ боса низ него“.
„Каде е почитта? Никој не би требало да добие дозвола да шета бос на вакви места“.
Па, се поставува прашањето - дали е забрането да се влезе во Лувр без чевли?
Наводно, во правилникот на Лувр не е нагласено дека чевлите се задолжителни за посетителите. Но, според туристички водич и експерт за патувања, носењето чевли е протокол кој се подразбира.
„Сигурна сум дека вработените во Лувр имаат видено сè кога ќе се земе предвид колку посетители има музејот, но не ми се верува дека често гледаат боси посетители.
Ова е како непишано правило во Лувр… како и во сите јавни места на затворено.
Покрај тоа, постои почит која треба да им се покаже на местата како Лувр со богата историја и уметност што се наоѓаат внатре“, вели експертот за People.
Сепак, експертот истакнува дека на Кендал некако ѝ се пружила можноста и веројатно не гледала причина да ја пропушти.
Истовремено, Кендал сигурно платила за приватната тура и не е привилегирана за ништо друго, освен за пари.
„Повеќето музеи и туристички дестинации нудат приватен влез или приватна тура.
Секако, за ова треба да се плати и има правила кои се следат ако установата се посетува пред или по работното време.
На пример, можеби нема да смеат да понесат храна и вода или нема да смеат да се фотографираат“.
Иако Кендал можеби не прекршила некое правило, мислењето на јавноста е поделено и многумина сметаат дека треба да покаже барем малку почит.
Што мислите вие?
Спирова С. | Црнобело
Би можело да ве интересира:
Препорачуваме
Најчитани неделава
