„Нема да дувам“ – Џастин Тимберлејк уапсен додека возел пијан, полицаецот бил многу млад и не го познал

Детали

среда, 19 јуни 2024

„Се напив само едно мартини!“ - наводно, ова било тврдењето што Џастин Тимберлејк им го дал на полицајците кои го фатиле како се тетерави по улицата, седнува во автомобил и во само неколку метри возење успеал да направи 3 сообраќајни прекршоци.

Во сите светски медиуми се објавени фотографиите од апсењето на познатиот пејач Џастин Тимберлејк.

Затворската фотка на која бившиот дечко на Бритни Спирс е со видно црвени очи денес ги краси насловните страници во сите таблоиди.

Според објавата во поголемите светски медиуми, во понеделникот (17.06) Џастин бил излезен со пријатели во хотел во Хемптонс, а по лудата вечер излегол и си заминал со неговиот автомобил BMW.

Набрзо потоа бил сопрен од полиција и кога од него било побарано да дува, тој одбивал:

„Не, нема да правам хемиски тест! Одбивам! Одбивам!“

Наводно, полицајците пред да го сопрат го забележале како се тетерави по улицата и не можел да стои на нозе, и заради тоа веднаш интервенирале, па воопшто не биле изненадени кога тој паднал на физичкиот тест за трезвеност.

Одблиску веднаш било забележано дека пејачот има закрвавени и насолзени очи и неподносливо мирисал на алкохол, зборувал забавено и не можел да се фокусира, на што тој се правдал дека испил само едно мартини и тргнал да си оди дома.

Според PageSix, полицаецот што го сопрел пијаниот музичар бил многу млад и воопшто не го ни препознал, па така кога Џастин му рекол:

„Ова ќе ми ја уништи турнејата“, полицаецот го прашал:

„Каква турнеја?“

Наводно, пријателите на Џастин набрзо дошле од хотелот и барале Џастин да биде пуштен, а самиот пејач не барал да добие посебен третман заради неговата слава.

По апсењето, Џастин бил изведен пред суд и е обвинет за три сообраќајни прекршоци: возење под дејство на алкохол, незастанување на знак за запирање и возење во погрешна лента.

По ноќта помината во притвор, Џастин бил пуштен дома во вторникот утрото, а папараците го пречекаа додека си заминува со неговиот адвокат.

Инаку, Џастин претходно отворено зборуваше дека имал проблеми со алкохолот и дека експериментирал и со други видови опојни супстанции.

„Сум имал искуство со дроги и се случило да бидам фатен на дело.

Само што секогаш се трудам да нема камери околу мене“ – призна тој.

Џастин во моментов е на светска турнеја и веќе има закажано два концерта во петок и во сабота, а со какви последици ќе се соочи заради неодговорното однесување, останува допрва да видиме.

Б. С. Б. | Црнобело