Преживеа обид за убиство, му посакуваше смрт на син му – Мрачната страна на 50 Cent

Беше избоден со нож од колега

Конфликтот помеѓу 50 Cent и раперот Ja Rule своевремено привлекуваше многу внимание.

Проблемите меѓу раперите почнале во 1999 година, откако личност најмена од 50 Cent му се заканувала на Ja Rule со пиштол и му украла златен накит.

Во 2000 година, двајцата рапери требало да настапуваат во ист локал и наводно настаналa тепачка.

Истата година, тие се нашле во исто студио во Њујорк и овде ситуацијата ескалирала.

Со нив бил уште еден рапер, кој бил на страната на Ja Rule и го избодел 50 Cent. Веднаш потоа Ja Rule и другиот рапер биле уапсени.

Расправиите помеѓу раперите продолжија со години и двајцата не штедеа на навреди на Твитер.

Наводно, уште се во лоши односи, но сега јавно не се навредуваат толку сурово.

Преживеа обид за убиство

Ако сте го слушале 50 Cent, тогаш сигурно знаете дека беше застрелан дури деветпати.

Во мај 2000 година, додека раперот седел во својот автомобил пред куќата на баба му, црн автомобил се приближил до неговиот.

Од автомобилот излегол маж кој го застрелал деветпати.

50 Cent беше погоден во нозете, рацете, градите и лицето, по што помина 13 дена во болница.

Наводно, убиството било нарачано од наркобос кој се разгневил бидејќи раперот го спомнал во негова песна. Со ова, 50 Cent разоткрил некои од неговите криминални активности.

Мажот што го застрела раперот подоцна беше уапсен, и тоа за неколку убиства, и доби доживотна казна затвор.

Му посакуваше смрт на сопствениот син

50 Cent и неговиот син Маркис Џексон не се во добри односи, а во 2018-та раперот му упати и смртни закани.

Тогаш неговиот син објави фотографија со наркобосот кој се верува дека бил вклучен во обидот за убиство на 50 Cent од 2000 година.

Во коментари, раперот напиша:

„Ако ги удри автобус овие двајца, нема да ми се расипе денот“.

По критиките, раперот се огласи и на Твитер:

„Јас не му мислам лошо на никој на светот. Луѓето кои му се идоли (на син ми) се рефлексија на енергијата што тој ја испраќа кон мене“.

Односот на раперот и син му се влошија по борбата за старателство со бившата девојка.

Спирова С. | Црнобело