За „Dumb and Dumber“ му платиле само 50.000 долари, љуби иста жена 50 години: Факти за Џеф Даниелс

Детали

сабота, 09 март 2024

Во 2021-ва година потврди дека за филмот „Dumb and Dumber“ бил платен само 50.000 долари, а за разлика од него, Џим Кери добил 7 милиони долари... Се сеќавате ли на Џеф Даниелс?

Американскиот актер Џеф Даниелс во моментов ja промовира втората сезона на својата серија „American Rust: Broken Justice“, која ќе почне да се прикажува на 28 март.

Серијата го следи животот на американско семејство, раскажан преку компромитираниот шеф на полицијата Дел Харис.

Сепак, во приватноста, Џеф е сосема поинаков од ликот што го глуми во серијата.

Toj за себе често знае да каже дека е опуштен и забавен тип, посветен на сопругата со која е во љубов 50 години.

Што знаеме за Џеф Даниелс?

Роден е на 19 февруари 1955 година во Атина, Џорџија, во САД.

Таму живеел до својата шеста година, а потоа со семејството се преселиле во Челси, Мичиген, каде што татко му бил градоначалник еден мандат.

Се запишал на Универзитетот Централ Мичиген, каде што се приклучил на драмската секција и тогаш се родила љубовта кон глумата.

Кариерата ја почнал во 1976 година на Бродвеј, каде што играл во неколку претстави.

Оттаму се префрлил на снимање филмови и веќе во 1985 ја добил првата номинација за Златен глобус, за филмот „Purple Rose of Сairo“.

Следната година добил уште една номинација за оваа престижна награда.

Продолжува на следната страница...