Татко и партнер за пример: Малума ѝ ги облекува чевлите на бремената девојка

Детали

понеделник, 29 јануари 2024

Додека некои ѕвезди кријат дека очекуваат деца, Малума се труди да објави фотки од секој миг поминат со бремената партнерка. Така, тој се пофали дека ѝ ги облекува чевлите на девојка му Сузана, од која не се одвои на прославата на неговиот 30-ти роденден.

Познатиот колумбиски музичар Хуан Луис Лондоно, попознат како Малума, во саботата (27.01) го прослави својот 30-ти роденден, а по тој повод објави повеќе фотографии од прославата.

Музичарот направил голема забава во неговиот роден град, Меделин, а како што може да се види од фотките и видеата од прославата, тој не сакал ниту на секунда да се одлепи од девојката Сузана Гомез која е бремена со неговото прво дете, девојче на кое одлучија да му го дадат името Париз.

Фотки на кои се гледа како Сузана му помага да ја закопча кошулата, но и фотки на кои тој ѝ помага да си ги облече чевлите за да не се наведнува со трудничкиот стомак.

На Инстаграм се објавени фотки на кои Сузана е во златен фустан и високи потпетици, а на социјалните мрежи е објавено уште едно видео на кое се гледа дека таа и музичарот заедно танцувале на прославата.

Но, овој пат високите потпетици ги заменила со ниски бели влечки. Фустанот и накитот се исти, но, очигледно Сузана не сакала да ризикува со високите потпетици.

Погледнете го видеото од танцот на Малума и Сузана:

Инаку, за потсетување, Малума долго време се трудеше својот приватен живот да го држи подалеку од очите на јавноста, а со девојката објавуваше само ретки фотографии.

Но, тоа се промени откако светот дозна дека неговата девојка е бремена со нивното прво заедничко дете.

Погледнете уште неколку фотки од Малума и Сузана во продолжение:

Прочитајте и Романтичната љубовна приказна на Малума и неговата избраничка - тајно бил вљубен во скромна девојка

Б. С. Б. | Црнобело