Сопругата на Канје се валка во пари во стриптиз бар, откако тој ја фалеше дека е натпросечно интелигентна

Детали

четврток, 11 јануари 2024

„Таа има мастер по архитектура и коефициент на интелигенција 140“ – Канје Вест на Инстаграм ѝ го честита роденденот на сопругата, а на социјалните мрежи кружат видеа од лудата забава што тој ѝ ја приредил, на која таа речиси гола се валка во пари на подот од стриптиз бар.

На социјалните мрежи масовно се споделува видеото на кое сопругата на Канје Вест, Бјанка Сенсори, ги дува свеќичките на тортата по повод нејзиниот 29-ти роденден. Раперот не штедел пари на прославата, туку на облека за сопругата.

На фотките и видеата објавени на социјалните мрежи, се гледа дека забавата била организирана во ресторан, а потоа се упатиле во стриптиз клуб во Лас Вегас.

Бјанка повторно имала уникатен стајлинг дизајниран од нејзиниот сопруг, кој најави дека во 2024-та година таа не смее да носи панталони.

Таа се појави боса, во кратко здолниште и бикини, односно градите ѝ беа прекриени само со минијатурни триаголници.

Исто така, на социјалните мрежи се споделени и фотки на кои се гледа дека Бјанка се валка на под во казино кој е прекриен со пари.

Иако Бјанка редовно добива критики за нејзиниот избор на облека, Канје на Инстаграм ѝ го честита роденденот со посебна објава и посвета:

„Среќен роденден на најубавата муза и талентирана уметница која има мастер по архитектура и коефициент на интелигенција 140, која е покрај мене и ме сака секој ден, дури и тогаш кога половина свет ми го сврте грбот.

Ти си најдобрата маќеа на светот за нашите деца и те сакам премногу, ти благодарам што го делиш животот со мене“ – напиша тој.

Покрај редовните коментари за тоа дека Бјанка премногу личи на неговата поранешна сопруга Ким Кардашијан, неговите следбеници повторно го прашаа:

„Зошто некоја жена со толку висок коефициент на интелигенција би се шетала гола?“

Б. С. Б. | Црнобело