Марихуаната помага при болки

Пушењето канабис значително ги намалува хроничните болки кај пациенти со оштетени нерви. Марихуаната ги намалува анксиозноста и...

 

...депресијата - тврдат истражувачите.

Пилулите со екстракт од канабис веќе се покажале како успешни во лечењето на одреден тип болки.

Но, научниците обично избегнуваат да ги проучуваат ефектите од пушење на оваа билка, затоа што се смета за метод на дрогирање.

Сепак, канадските научници, направиле истражување на над 21 пациент со хронични невропатски болки причинети од траума или операција. Користеле канабис со 4 различни нивоа на јачина.

Пациентите од 25 до 77 години требале да пушат 25 милиграми канабис од стаклено луле, три пати во денот. Канабисот со 9,4%  активна состојка, ја намалувал болката, напнатоста и депресијата, т.е. го подобрува сонот.

Студијата е објавена и во „Canadian Medical Association Journal“ и е веројатно прва која клинички го тестирала ефектот од пушење канабис.

Сепак, експертите предупредуваат дека како билка може да предизвика ментални проблеми кај луѓето со наследна шизофренија или депресија. Канабисот исто така може да ве направи параноични и немотивирани.