Најконтроверзните (и најпровокативните) музички спотови снимени досега

WAP – Карди Би и Меган Ти Сталион

Спотот за WAP го надмина и оној за Anaconda.

Покрај експлицитниот текст на песната, секое движење на пејачките и моделите во спотот алудира на секс.

Famous – Канје Вест

Контроверзиите и скандалите не се ништо ново за Канје Вест, но дефинитивно се надмина со песната Famous и спотот за неа, и тоа не во добра смисла.

Покрај текстот во кој ја критикува Тејлор Свифт, во спотот се гледаат неколку мажи и жени легнати едни до други и сите се голи.

А, уште поконтроверзно е и тоа што актерите во спотот личат на славни личности како Ријана, Тејлор Свифт, па и Доналд Трамп.

All the Things She Said – t.A.T.u.

Денес спотот на песната што ги прослави t.A.T.u. можеби не би предизвикал реакции, но во 2002 година важеа други правила.

Лена и Јулија – девојките од дуото – се бакнуваат во спотот, по што почнаа да кружат гласини дека се и пар.

А, токму ова ги направи светски познати.

Blurred Lines – Робин Тик и Фарел Вилијамс

Иако спотот ја прослави Емили Ратајковски, подоцна таа изјави дека мразела што била дел од него, и го обвини Робин Тик за сексуално вознемирување.

Во спотот, покрај пејачите танцуваат неколку модели кои се практично голи.

Покрај тоа, самиот текст на песната е проблематичен бидејќи алудира на тоа дека некоја жена сака да спие со маж дури и кога го одбива.

Спирова С. | Црнобело