3 нови, напнати трилери кои ќе ви го зграпчат вниманието од првата до последната страница

Овие книги ќе ве освојат со ликовите, заплетот, развојот на дејствието и секако – кулминацијата и крајот.

Жанрот трилер носи некоја неверојатна магија во себе, способноста да ве држи будни многу часови без да ги задоволите дури и најосновните потреби.

Ќе заборавите на храна, вода и одењето во тоалет додека не ги прочитате докрај:

Жив мртовец - Шерон Болтон

Баш пред мугри, во близина на шкотската граница, 13 патници кои летаат во балон на топол воздух се сведоци на брутално убиство долу на земјата. И во текот на следниот час, сите тие ќе бидат мртви, освен една жена. 

Но, таа го има видено лицето на убиецот, а и убиецот го има видено нејзиното – тој нема да застане додека не го елиминира единствениот сведок на неговото злосторство.

Саботна бура – Мартине Гласер

Една сабота, кога завршува со работата во супермаркетот, тинејџерката Каси се враќа со велосипедот дома каде што живее со мајка ѝ. Брзајќи накај дома за да не ја фати бура, таа е нападната од четири момчиња.

Едниот од нив е Едвин, синот на најмоќниот човек во селото. Додека се обидува да избега од напаѓачите, се искачува до замокот на ридот каде што сама живее една чудна жена. Децата ја викаат вештерка…

Поранешниот ти - Луиз Вос

Лин се откажала од работата од своите соништа кога се омажила за Ед, љубовта на нејзиниот живот. 10 години подоцна на Ед му е дијагностицирана рана деменција и почнуваат да се случуваат неверојатно чудни работи.

Како што некои сеќавања се заборавени, други, пак, долго заборавени, испливуваат на површината… Идиличниот свет на Лин полека се урива.

(О)Милена | Црнобело