15 книги за кои луѓето најчесто лажат дека ги прочитале

Покрај многубројните филмски адаптации на светски познати романи, останува прашањето зошто би се мачеле да читаме книги од стотици, па дури и илјадници страници?

Секако, заради уживањето во убавиот пишан збор. Но не секој размислува на овој начин.

За некого читањето е мачно, неподносливо, мирисот на книги (и стари и нови) е ужасен, а кога веќе знаеме од прилика кои се главните ликови и како тече дејствието, тоа му доаѓа исто како да сме ја прочитале книгата, нели?

Погрешно. Сепак, ¼ од анкетираните се подготвени да излажат околу бројот на книгите кои ги прочитале, со цел да им изгледаат попаметни или попривлечни на другите луѓе.

40% од луѓето потврдиле дека најголемата причина поради која лажат дека прочитале некоја книга е со цел да не бидат исклучени од разговорот, а 1/3 го прават тоа за да делуваат поинтелигентно.

Како изгледа списокот на книги за кои луѓето најмногу лажат дека ги прочитале?

 1. Алиса во земјата на чудата – Луис Керол

 2. 1984 – Џорџ Орвел

 3. Трилогијата на Господарот на прстените – Џ.Р.Р. Толкин

 4. Војна и мир – Лав Николаевич Толстој

 5. Ана Каренина – Лав Николаевич Толстој

 6. Да се убие птицата подбивница – Харпер Ли

 7. Злосторство и казна – Фјодор Достоевски

 8. Големите очекувања – Чарлс Дикенс

 9. Дневникот на Ана Франк – Ана Франк

10. Големиот Гетсби – Ф. Скот Фицџералд

11. Глувци и луѓе - Џон Стајнбек

12. Ловец во ’ржта – Џ.Д. Селинџер

13. Убиство во Ориент Експрес – Агата Кристи

14. Гордост и предрасуда – Џејн Остин

15. Авантурите на Шерлок Холмс - Артур Конан Дојл

Дали вие сте излажале дека сте прочитале некоја од овие книги?

(О)Милена | Црнобело