3 нови наслови на книги за кои мора да одвоите време

Бесмислено е да се каже - ова е одлично време за  читање. Секое време е погодно време за читање. Но, за волја на вистината во овој период времето е особено пријатно, па веројатноста да поминете многу страници за покус период е голема.

Три носи наслови во македонското издаваштво и по нешто за сечиј вкус... кој е вашиот следен избор за читање?

Сонуваат ли андроидите електрични овци? - Филип К. Дик   

Оваа книга била инспирација за создавање на филмот  „Blade Runner“. Светската војна покосила милиони луѓе до 2021 година. Ова е еден нов свет каде што вистински луѓе се среќаваат сé поретко, а компаниите создале специјален тип на вештачка интелигденција – хуманоидни андроиди со човечки лик.

Но, тие се премногу софицистицирани за да се разликуваат од вистинските луѓе, а власта ги протерува. Тие се приморани да живеат во страв и криење, а еден од оние кои ги ловат е и Рик Декард, назначен да ги ликвидира андроидите престапници. Но, тие возвраќаат жестоко и смртоносно.

Нана – Емил Зола

Романот на Зола на еден топол емотивен начин ги прикажува бројните човечки слабости и маани. Вистинските вредности и добрите квалитети се потиснати во втор план, како што е случај во секојдневието и реалноста.

Главниот лик Нана е олицетворение на 3 различни жени - кокетна бескруполозна заводничка која остава пустош во машките срца, грижлива мајка и очајна жена во потрага по страст низ париските улици.

За Нана љубовта е еден вид деловна зделка, не вреди ништо ако од неа не може да се извлече некаква корист. Нана е љубов, страст, копнеж и желба, симбиоза од десетици спротивставени страни, но на крајот најголемата жртва и најголемиот непријател е токму таа, самата на себе.

Фајронт во Сараево - Неле Карајлиќ  

Д-р Неле Карајлиќ, ѕвездата на познатата екс-ју група „Забрането пушење“ и дел од популарната „Топ-листа на надреалистите“ е авторот на оваа т.н. митска југословенска приказна.

Карајлиќ е сонувач, жртва, визионер, ѕвезда кој го открива влијанието на бендот „Забрането пушење“ во тогашниот југословенски амбиент.

Тој ја започнува приказната во Младеновац и низ Белград се враќа 40-тина години наназад во предвоеното Сараево. А, таму започнуваат да се плетат приказни за растењето, созревањето и стареењето во еден простор натопен со крв и болка.

Ова е искрена емотивна книга проткаена со хумор која не смеете да ја пропуштите и всушност го објаснува почетокот на крајот.

(O)Милена | Црнобело