Том Круз се надмина – од НАСА ја потврдија соработката за снимање филм во вселената

Филмоманите долго се убедени дека во иднина ќе снимаме филмови и во вселената, но изгледа дека ќе го дочекаме ова многу побрзо.

Имено, Том Круз и НАСА веќе почнале да го планираат филмот кој ќе се сними во вселената, односно на Меѓународната вселенска станица.

Веста беше и официјално потврдена, од страна на администраторот на НАСА, Џим Бриденстајн:

„Од НАСА сме возбудени што ќе соработуваме со Том Круз за филм на Меѓународната вселенска станица. Популарните медиуми треба да инспирираат нова генерација инженери и научници, кои ќе ги направат амбициозните планови на НАСА реалност“, напишал тој на Twitter.

?ref_src=twsrc%5Etfw%7Ctwcamp%5Etweetembed%7Ctwterm%5E1257752395750289409&ref_url=https%3A%2F%2Fwww.engadget.com%2Ftom-cruise-movie-in-space-220746768.html

Том Круз е веќе познат по снимањето опасни сцени за Mission Impossible, но наводно, овој филм нема да биде поврзан со популарната франшиза. Истовремено, се зборува и дека SpaceX на Илон Маск ќе биде вклучена во проектот, но нема официјална потврда. 

Од SpaceX немаат потврдено ништо, но се верува дека Том Круз ќе оди до станицата со нивниот вселенски брод Crew Dragon, кој е дизајниран за транспорт на екипаж од четворица луѓе, до и од орбитата на Земјата.

Сепак, Илон Маск остави коментар на објавата на Џим, велејќи дека проектот би требало да биде забавен. Па, најверојатно, и тој ќе сака да му се приклучи на тимот.

Според изворите, филмот е во почетна фаза на изработка, а засега не се знае кое студио ќе стои зад проектот.

Спирова С. | Црнобело