Излезе новиот трејлер за продолжението на “The Hunger Games”

По огромниот успех што го постигна првиот дел од филмот “The Hunger Games” минатата година, конечно излезе и најавата за второ продолжение “Catching fire”.

Не е ни чудо што овој филм доживеа продолжение, бидејќи исто како Twilight и Harry Potter и овој филм зад себе остави армија фанови и обожаватели кои со нетрпение чекаат повторно да ги наполнат кино салите, а доволна причина се и 700 милиони долари кои ги заработи ширум светот, само во кино дистрибуција (да не ги спомнуваме DVD и Blue Ray изданијата).

Во овој дел повторно ќе можеме да ги видиме главните херои Katniss (Jennifer Lawrence) и Peetu (Josh Hutcherson), кои после победата се враќаат во реалниот свет, но она што не го знаат е тоа дека се само обични шаховски фигури во рацете на разни политички играчи. Така, главните ликови уште еднаш ќе се најдат во борба за сопствениот опстанок, но и за животот на своите најмили.

И во ова продолжение своите улоги ќе ги репризираат Woody Harrelson, Donald Sutherland, Elizabeth Banks и Liam Hemsworth, а на тимот овој пат ќе им се придружи и оскаровецот Philip Seymour Hoffman. Филмот најверојатно ќе биде еден од најгледаните годинава.

Па, игрите нека почнат!!!