Најпопуларните филмови од 2024-та досега, што ги освоија симпатиите на публиката

Два наслова со Рајан Рејнолдс, но и многу продолженија – кои се најпопуларните филмови од првата половина на 2024-та?

Иако доминираат продолженија и адаптации, многумина се согласуваат дека досега, 2024-та е одлична година за филмови.

Дури и продолженијата за кои скоро никој немаше надеж, се покажаа како одлични, а видовме и доста забавни филмови со (колку-толку) оригинални сценарија.

Во продолжение, дел од најпопуларните филмови од 2024-та досега:

The Fall Guy

Главниот лик е каскадер чија кариера речиси завршува поради несреќа. Откако закрепнува, тргнува на мисија да најде исчезната филмска ѕвезда, но и да ја освои љубовта на својот живот.

Главните улоги во забавната комедија им припаѓаат на Рајан Гослинг и Емили Блант.

Bad Boys: Ride or Die

Уште една забавна комедија, овој пат со Вил Смит во главната улога.

Двајца полицајци пробуваат да ја спасат репутацијата на нивниот починат полициски капитен, откако се дознава дека бил вмешан во картел.

Furiosa: A Mad Max Saga

Ново продолжение од франшизата Mad Max со Крис Хемсворт и Ања Тејлор Џој во главите улоги.

Филмот се фокусира на почетоците на Фуриоса, пред да се здружи со Лудиот Макс (Mad Max).

Despicable Me 4

Во четвртото продолжение од забавниот анимиран филм, главниот лик Гру носи нов член во неговото семејство – Гру Џуниор.

Но, нивниот мир набрзо е нарушен откако познат криминалец бега од затвор и има за цел да му се одмазди на Гру.

IF

Со Рајан Рејнолдс во главната улога, IF е семеен филм инспириран од имагинарните пријатели што ги имаат некои деца.

Младо девојче сфаќа дека таа може да ги види туѓите измислени пријатели.

Па, тргнува на мисија да им помогне на оние измислени пријатели кои биле напуштени или заборавени од нивните деца.

Продолжува на следната страница...