Ревија на фустани од хартија во Охрид

Детали

четврток, 07 јуни 2012

Креативноста на еден човек, поединец или група е значајна за напредокот на едно општество. Понекогаш некои луди и фикс идеи можат да резултираат со...

...спектакл кој ќе ги плени сите, ќе привлече големо внимание и ќе создаде безброј среќни и воодушевени лица.

По втор пат оваа година Oхридската гимназија изненади со еден интересен настан кој привлече огромно внимание.

Имено, секцијата за ликовна уметност при Охридската гимназија св.Климент Охридски заедно со професорката Катерина Слатинова ни покажаа дека од едноставни материјали со голема доза на креативност и фантазија можат да се создадат големи дела. Низ дворот на гимназијата со прекрасна организација полна со гламур, продефилираа ученичките од гимназијата кои носеа креации изработени од хартија.

Нивната убавина, напорна работа, како и големата посветенот и одвоено време за да се создаде овој настан придонесоа во убавината на истиот. Нивната работа беше поздравена од многубројните посетители кои присуствуваа на оваа манифестација.

Учениците и професорката ветуваат дека оваа манифестација ќе прерасне во традиционална манифестација која ќе имаме можност да ја следиме и во наредните години, секако со нови идеи, нови креации, нови ученици.

Светот е полн со можности,ваквите мали идеи можат да не водат напред, секоја чест за оваа храбра идеа, ние само можеме да ги подржиме и да се надеваме на нови проекти, кои повторно ќе не остават неми, пред една вистинска убавина.

Во продолжение неколку фотографии со креациите кои се најдоа на оваа манифестација.

Фотографиите од првата ревија може да ги погледнете овде.

Подготвил: Никола Буџакоски