Снеже Велков го прослави 43-иот роденден: „Се бројат годините - и со бели влакна и со свиснати гради и тазе избелени заби“

Детали

петок, 07 март 2025

„Не се броеле годините?! Море се бројат, море се зборат, море се слават и ДА, се важат. Се важат бе и со вишок и со 'мањак' килограм. Се бројат и со и без бели влакна. И ако се разубавиш и ако тро огрдиш...“, гласи дел од објавата на Снеже Велков по повод роденденот.

Водителката Снеже Велков го прослави 43-иот роденден, позираше во свеќички во рака и во свој стил напиша забавна објава како годините се бројат и треба со гордост да си ги носиме.

Нејзината објава гласи:

„Не се броеле годините?!

Море се бројат, море се зборат море се слават и ДА, се важат.

И од напред и од позади.

Се важат бе и од левиот и десниот профил

Се важат бе и со вишок и со 'мањак' килограм.

Се бројат и со и без бели влакна.

Се рачунаат и со новата и со старата лична карта.

Се рачунаат дечки и по зимско и по летно сметање на времето.

Се важат дечки и со свиснати гради и тазе белени заби.

Се рачунаат и ако полудиш и ако останеш нормален

И ако станеш попаметен и ако отупавиш

И ако се разубавиш и ако тро огрдиш

Се бројат море и се слават!

Оти сè додека се бројат значи жива си

43 се овие моите и со римски XLIII.

И од денес ставаме запирка за да броиме пак

43,

Да ми врти бројчаникот уште долго!

Да ми живеат и бројачите“.

Прочитајте и Снеже Велков го прослави 40-тиот роденден со уникатна торта: „Сите во фамилија инженери - А Снеже, да е жива и здрава“

С. С. | Црнобело