Храни лисица, се бања во када со мраз на отворено: Бетика ужива на одмор од соништата

Детали

понеделник, 23 декември 2024

Со секирче го скрши мразот, па влезе во ледената вода... Бетика, ледената Македонка, имаше одмор од соништата.

Бети Котовчевска од Ресен, позната како ледената Македонка Бетика, имаше одмор од соништата во нашата прекрасна Македонија.

Таа се капеше во када со мраз со прекрасен поглед кон снежен пејзаж.

Откако со секира го раскрши мразот, таа влезе во водата со температура од 0 Целизусови степени.

Потоа, се релаксираше покрај огинче, сместена во иглу, а во текот на престојот дури и хранеше лисица, случаен посетител таму.

За ова искуство, Бетика на Инстаграм напиша:

„Ладната вода – остар бакнеж на природата.
Со секој здив, срцето ми се смирува, душата ми заигрува.

Тука, дома.
Во срцето на Јасен, каде имагинацијата на еден прекрасен пар станува реалност.

Тука дома.
Тивката моќ на природата го буди најдлабокото во нас.

Тука, времето застанува, часовите исчезнуваат, оставајќи само смирение и светлина.
Тука дома.

Подалеку од светот, поблиску до себеси, во овој магичен пејзаж, сите сме безвременски гости“.

Кликнете за да го видите видеото:

С. С. | Црнобело