Maкедонка со апел против петардите: „Моето куче се тресеше и беше парализирано од страв“

Детали

четврток, 02 јануари 2025

„Дечково едвај го преживеа ентузијазмот на некои што би сакале да живеат во воена зона, од 4 попладне до 8 сабајле се тресеше и не сакаше да излезе од дома“, вели Мила која живее во Орешани.

Мила, фриленс фотограф oд Скопје, со сопругот Дарко, ИТ инженер кој претежно работи онлајн од дома, исто така од Скопје, одлучија главниот град да го заменат со живот во викенд населбата Орешани, која се наоѓа на само 5 минути пешачење од истоименото село, кое брои 600 жители.

Мила во една пригода за CRNOBELO.com изјави дека викенд населбата е помирна од селото и дека таму со Дарко го пронашле својот мир.

Но, нивниот мир беше нарушен за време на новогодишниот пречек, а Мила се пожали за ова на својот Фејсбук профил.

Вљубеничката во животни која постојано вдомува кучиња, па и по некоја птица, сега објави фотографија од еден од своите миленици и напиша:

„Дечково едвај го преживеа ентузијазмот на некои што би сакале да живеат во воена зона, од 4 попладне до 8 сабајле се тресеше и не сакаше да излезе од дома, иако сме во демек мирна, рурална средина.

Очекував да се испомоча по дома, зашто нема капацитет да држи долго, ама толку беше парализиран од страв, што ни тоа не се случи.

Заради ова не можевме да славиме ништо, па ќе славиме ден подоцна, откако им снема артилерија на оние со недооформено мозоче, сетила и чувство за емпатија“.

Повеќе фотографии од празнично украсениот дом на Мила и Дарко на следната страница...