Македонка со инспиративен потег - наместо да купува, веќе 3 години рачно им прави подароци на саканите (фото)

Детали

четврток, 05 декември 2024

„Пред 3 години, почнав на најблиските за секој роденден и празник да им подарувам нешто зготвено, односно изработено со раце, како симболика дека сум посветила мисла и време“, споделува Инес Георгиевска за CRNOBELO.com.

Инес Георгиевска, дипломиран ликовен уметник од Скопје, со години работела во маркетинг сектор и медиуми, а пред четири години, кога станала мајка, почнала да работи како фриленс илустратор.

Токму во тој период донела и една инспиративна одлука – да им прави, наместо да им купува подароци на најблиските.

Инес за оваа нејзина практика споделува за CRNOBELO.com:

„Прочитав неколку книги како „Дом со нула отпад“ (Zero Waste Home: The Ultimate Guide to Simplifying Your Life) и „Ултра-процесирани луѓе“ (Ultra-processed people), кои ме инспирираа интензивно да размислувам околу тоа што купувам, што јадам и со што го полнам својот дом.

Оттаму дојде и увидот како потрошувачкото општество постојано нè „притиска“ да купуваме облеки, предмети и храна со лош квалитет, лош состав, произведени во експлоатирачки услови и штетни за човековото здравје и околина.

Буквално се затрупуваме со ѓубре, кое колку и да изгледа привлечно, e всушност безвредно и штетно.

Сепак, материјалното е само крајниот резултат на нашиот глобален мајндсет кој нè убедува дека сè треба да биде брзо, лесно и веднаш достапно, со наш минимален влог и труд.

Така, иако дотогаш бев некој што не сака да готви и преферира да купува готова храна, почнав да се учам да приготвувам храна.

Продолжува на следната страница...