Вирален статус на скопскиот менаџер Цајо: „Пред 50 години бракот беше лесен, а разводот тежок - денес е обратно“

Детали

петок, 04 октомври 2024

„Пред 50 години само една личност работела за да го издржува целото семејство. Сега секој мора да работи за да издржува 1 дете“ - пишува во објавата на култниот скопски менаџер, Милорад Цаиќ Цајо.

Милорад Цаиќ Цајо, култен лик во Скопје, менаџер на локали и организатор на многу модни и музички настани во градот, со својот статус на Фејсбук, привлече големо внимание во јавноста.

Тој ги спореди животот (и семејните вредности) пред половина век, со овие што постојат денес.

Преку споредбата, тој се запрашува дали како луѓе одиме напред, или сепак, се враќаме наназад, иако живееме во 21. век.

Прочитајте ја целата објава на Цајо:

„Пред 50 години децата беа нежни со своите родители. Денес родителите треба да бидат нежни со своите деца.

Пред 50 години децата ги почитуваа своите родители. Сега родителите треба да ги почитуваат своите деца.

Пред 50 години бракот беше лесен, но разводот беше тежок. Денес е тешко да се ожениш, но разводот е толку лесен.

Пред 50 години ги запознававме сите соседи. Сега сме странци на нашите соседи.

Пред 50 години луѓето мораа да јадат многу затоа што им треба енергија за напорно да работат. Сега се плашиме да јадеме масна храна поради страв од холестерол и хипертензија.

Пред 50 години само една личност работела за да го издржува целото семејство. Сега секој мора да работи за да издржува 1 дете.

Пред 50 години луѓето сакаа да учат и читаат книги... Во денешно време луѓето сакаат да го ажурираат својот статус на социјалните медиуми.

Напредок или регрес... реалност“.

А. Ј. | Црнобело / фото: Фејсбук