Хелена Роза доби новозеландско државјанство по 9 години - Прослави со Ребека и зетот

Детали

вторник, 24 септември 2024

„Официјално, сега имам два дома“, напиша Хелена Роза и откри дека по скоро една деценија во Нов Зеланд, добила нивно државјанство.

Поранешната водителка Хелена Роза, по 9 години живот во Нов Зеланд, сега има двојно државјанство - македонско и новозеландско.

Таа на Инстаграм Стори сподели фотографија од церемонијата за добивање државјанство, организирано во градот Оукленд, каде што живее.

„Официјално, сега имам два дома“, напиша таа.

Хелена објави и дека добивањето на државјанството го прославила со фамилијата, па сподели фотка на која е со сестра ѝ Ребека, која во моментов ѝ е на гости во Нов Зеланд и со зетот Стефан Пауни, кој неодамна се ожени со нејзината ќерка Кјара.

Освен Ребека, во Нов Зеланд е и нивната мајка Роза, како и близнаците на Ребека, Макариј и Доротеј, кои таму славеа роденден.

Хелена се пресели во Нов Зеланд во 2015 година со сопругот Игор.

Брзо потоа им се придружи и Кјара, а во 2017 година таму го роди синот Тиан.

А. Ј. | Црнобело