Александра Шијакоска го прослави Курбан Бајрам со семејството

Детали

понеделник, 17 јуни 2024

Во домашна атмосфера, со родителите и дедовците, Александра Весели Шијакоска и нејзиниот сопруг Едмонд, го прославија Курбан Бајрам.

Инфлуенсерката Александра Весели Шијакоска, која пред неколку дена откри дека е бремена со своето прво дете, вчера (16.06) го прослави Курбан Бајрам со семејството.

Таа на Инстаграм Стори објави фотка со сопругот Едмонд Весели, на која се гледа нејзиното трудничко стомаче, па на семејството, но и на нејзините следбеници, кои го слават празникот, им го честита Курбан Бајрам.

Александра откри дека празникот го поминале во домашна атмосфера, со родителите и дедовците.

А токму дедовците, нејзиниот и дедото на Едмонд, се чини биле „главни“ на прославата.

Александра е многу блиска со својот дедо и често споделува фотографии и видеа од времето поминато со него.

Овој Курбан Бајрам почна на 16 јуни, а ќе трае до среда, 19 јуни.

Прочитајте и Александра Шијакоска е бремена - објави емотивно видео со сопругот и трудничкото стомаче

А. Ј. | Црнобело