Александра Шијакоска за бракот со Едмонд: „На сите им докажавме дека нашата љубов е посилна од предрасудите“

Детали

петок, 29 март 2024

„Ние дома славиме и Велигден и Бајрам и многу сме среќни затоа што го правиме тоа заедно со семејството“ – рече инфлуенсерката Александра Шијакоска во подкаст, каде накратко зборуваше на темата „мешан брак“.

Нашата позната инфлуенсерка Александра Шијакоска гостуваше во подкастот на битолскиот музичар, водител и новинар Мими Марковски.

Таа се возеше во неговото „југо“, кое е заштитен знак на поткастот што го води и меѓу другото зборуваше на тема „мешан брак“.

Александра минататa година стапи во брак со нејзиниот долгогодишен партнер Едмонд Весели, кој ѝ беше најголема поддршка во тешките мигови од нејзиниот живот, кога се бореше со тумор на мозокот, а сега таа отворено зборува нивните меѓусебни и семејни односи. 

Таа нагласи дека таа е Македонка – христијанка, а нејзиниот партнер е Албанец – муслиман, но иако на почетокот не биле прифатени од никого, сепак успеале да се изборат за својата среќа и љубов.

„Кога бевме помали не бевме прифатени од никој, освен од пријателите. На сите им покажавме и докажавме дека нашата љубов е посилна од било која предрасуда, било која разлика меѓу нас двајца“ – нагласи таа.

Александра рече дека во нивниот дом се слават и Велигден и Бајрам, а дека се многу среќни затоа што го прават сето тоа заедно со семејството.

„Многу добро и сплотено изгледа тоа. Широкото срце прифаќа сѐ. Тој што има големо срце, има простор да почитува и една вера и друга и треба да бидеш човек пред сѐ“ – вели Александра.

Погледнете го видеото во продолжение:

https://www.instagram.com/reel/C4_d3GboVbm/

Прочитајте и Александра Шијакоска за CRNOBELO лексикон: „Свекрва ми ми е идол“

Б. С. Б. | Црнобело