Александра Шијакоска се венча со саканиот по 12 години врска, на денот на неговиот роденден

Детали

среда, 19 јули 2023

Александра Шијакоска заблеска во елегантна бела венчаница на венчавката со саканиот Едмонд Весели. Парот се венча денес (19.07) по 12 години врска, и тоа на денот на роденденот на Едмонд.

Младата инфлуенсерка заблеска во елегантна венчаница, а долгата коса ѝ беше собрана во опавче. Едмонд носеше бело сако со бели панталони и маичка.

На прославата доминира белата боја – дури и гостите носат бели комбинации.

Фотки од венчавката сподели инфлуенсерката Ангела Ѓоргиева, а на една од нив напиша:

„Ја сакам љубовта, а за нивната ептен се радувам, зошто знам колку е искрена и голема“.

Откако го кажаа судбоносното да, парот наздрави со шампањ.

Во деновите пред венчавката, Александра на Инстаграм Стори објавуваше фотки и видеа од подготовките и откри дека денес имаат мала прослава, а свадбата ќе ја прават в година.

„Не правиме свадба, туку мала прослава со пријателите. Едмонд слави роденден на истиот ден, па сакавме заедно да прославиме.

Си закажавме матичар, па испадна нешто повеќе од мала прослава со родителите и сестрите.

Бел фустан ќе носам и сега и наредната година на свадбата затоа што мислев дека никогаш нема да дочекам да бидам невеста, па сега ми е ќеф. 

Претходната година овој период плачевме и се молевме да преживеам, сега спремаме свадба и планираме иднина“, напиша Александра со многу емоции. 

Таа споделуваше и фотографии од крстерењето со брод по Охридско Езеро, а со една од нив му го честита и роденденот на својот свршеник.

Шијакоска со своите следбеници сподели и моменти од подготовките за венчавката. Па вели:

„Прво другарките, повозбудени се од мене. Невестата последна“.

Претходно, таа ги покажа фустанчињата за нејзините вкуки кои беа мали невестички, бисерите што ги избра за свадбата, бурмите, откри дека фустанот е креација на дизајнерката Моника Коцарева, но и златното синџирче со буквата А, што ѝ е подарок од дедо ѝ.

„Ланчето ми го купи дедо ми пред неколку години. Ми кажа: 'Дедо, не знам дали ќе дочекам твоја свадба, ама сакам да имаш нешто златно од мене.

Тогаш не земаше пензија, па собираше печурки и чај за да ми го купи. Немам ништо златно освен ова ланче кое го носам неколку години и за мене вреди богатство“, напиша таа.

Александра и Едмонд се верија на 20 мај во Солун, а Едмонд ја побара за сопруга на зајдисонце во забавен парк, по 12 години врска.

Тогаш на Инстаграм Стори Александра сподели дека претходно била на преглед кај нејзиниот лекар во Солун, по минатогодишната операција од тумор на мозокот, па Едмонд одлучил да ѝ исполни една нејзина долгогодишна желба и да ја однесе во забавен парк.

Повеќе фотографии на следната страница...